Знайсці
27.03.2023 / 19:321РусŁacБел

«Песня пра зубра» — патрыятычная паэма для Папы пра Вітаўта і пагрозу з Усходу. Новае ВІДЭА на ютуб-канале Андрэя Хадановіча

Сёлета адзначаецца 500-годдзе выдання знакамітай паэмы пра нашу зямлю «Песня пра зубра». Андрэй Хадановіч у новым відэа расказвае пра Міколу Гусоўскага і яго выбітны твор, напісаны для выратавання радзімы ад пагрозы з Усходу. 

Сёння Андрэй Хадановіч расказвае:

  • як Мікола Гусоўскі зацікавіў Папу ліцвінскім зубром;

  • чаму Гусоўскі — перш за ўсё беларускі аўтар;

  • як паэт апісваў Вітаўта ў «Песні пра зубра» і чаму гэта гаворыць пра беларускасць Гусоўскага;

  • хто стварыў сучаснае пераасэнсаванне паэмы на жаночы лад;

  • якую ролю адыграла Бона Сфорца ў выданні «Песні пра зубра», ці чаму Гусоўскі зрабіў празаічнае прысвячэнне каралеве;

  • як паўставалі беларускія пераклады твора і які з іх найбольш дакладны. 

Вось некалькі думак з відэа:

Вось жа Вітаўт — вялікі змагар з карупцыяй, а сённяшнім марыянеткам у паскудным дзействе «иногда не до законов» хай будзе навукай і прыкладам. Кожнаму вінаватаму абавязкова раней ці пазней давядзецца адказаць перад законам. Без жорсткасцяў позняга Сярэднявечча, без скур і вучаных ваўкарэзаў, але з усімі працэдурамі Гаагскага трыбунала паводле стандартаў XXI стагоддзя. 

Папа зацікаўліваецца і хоча ведаць пра ліцвінскага зубра нашмат болей. Эразму Вітэліусу толькі гэта і трэба. Можа быць, папская цікавасць да беларускай лясной экзотыкі паслужыць навядзенню дыпламатычных мастоў, і Мікола Гусоўскі атрымлівае самую важную ў жыцці замову: напісаць паэму даслоўна «пра выгляд зубра, пра яго дзікасць і пра паляванне на яго». 

Некалькі звёнаў старанна закуты ў адзін паслядоўны мастацкі ланцуг: вобраз справядлівага ўладара Вітаўта, вобраз стрыманага што да гневу зубра, які ніколі не нападзе на чалавека, не справакаваны смяротнай небяспекай ці неабходнасцю бараніць сваю сям'ю, ну, і сам вобраз нашай зямлі і нашага народа — міралюбнага з аднаго боку, але загартаванага ў паляваннях і цалкам здольнага даць адлуп ворагу, асабліва калі падтрымаюць заходнія браты. Вось жа калі заходнія краіны не ўвайшлі ў альянс супраць усходняй небяспекі, у гэтым не віна Міколы Гусоўскага. Ён сваёй паэмай зрабіў усё, што ад яго залежала. 

Захоўваем у сабе нашых беларускіх герояў, адданых роднай краіне, глядзім новае відэа Андрэя Хадановіча, ставім падабайкі, каментуем і дзелімся з сябрамі і сяброўкамі.

Глядзіце таксама:

Ваўкі, улада і людзі: балотная казка Евы Вежнавец. Новае ВІДЭА на ютуб-канале Андрэя Хадановіча

Рыгор Барадулін: вялікая спадчына вялікага беларуса. Новае ВІДЭА на ютуб-канале Андрэя Хадановіча
Дон Жуан — салодкагалосы спакуснік ці цынічны монстр? Новае ВІДЭА на ютуб-канале Андрэя Хадановіча

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
0
Ха-ха
1
Ого
1
Сумна
0
Абуральна
1
0
Valadzimir/адказаць/
27.03.2023
Першае: Рэч Паспалітая - гэта, нагадаю, "саюзная" дзяржава Каралеўства Польскага і Вялікага Княства Літоўскага і яна была ўтворана у 1569 годзе. У часы Міколы Гусоўскага Рэчы Паспалітай не існавала. Польшча, паўтару  - НЕ Рэч Паспалітая, а Каралеўства Польскае.

Другое: У Літве-ВКЛ не было "ліцвінскага" зубра, і наогул НЕ было НІЧОГА "ліцвінскага".
І ім усё было ЛІТОЎСКАЕ"Ліцвінскі" - недарэчна-абсурдны прыметнік, які прыдумалі сучасныя белоруссы - для таго, як можна зразумець, каб неяк абыйсьці "традыцыю", згодна зь якой пад прыметнікам "літоўскі" зараз "разумеецца" толькі тое, што тычыцца суседзяў, "балтаў"-ліетувісаў. Гэтым недарэчным, ніколі не існаваўшым прыметнікам ("ліцвінскі") белоруссы пачалі пазначаць усё тое, што яны лічаць славянскім, "беларускім" кампанентам Вялікага Княства Літоўскага. 
Дык вось нагадаю, што "традыцыя" пад прыметнікам "літоўскі" разумець "балтаў", а краіну Ліетуву называць "Літвой" - фальсіфікатарскія.  А выдуманы прыметнік "ліцвінскі" - падтрымлівае гэтую фальсіфікацыю гісторыі. Яны вынікаюць з фальшывай "балцкай" канцэпцыі паходжаньня літвы, якую "ўдалбілі" ў галовы "белоруссов" яшчэ з савецкіх, ды не - з царскіх часоў, а потым падтрымалі "беларускія нацыяналісты" ў часы "нацыянальнага адраджэньня". (Нагадаю, што "балты"-ліетувісы нават не могуць патлумачыць этымалогію слова "літва"). У чарговы раз нагадаю, што ў летапіснай першакрыніцы ў паведамленьні аб рассяленьні славянскіх плямёнаў запісана: "друзии лютичи литва". Гэта значыцца літвіны ВКЛ - гэта славяне, нашчадкі палабскіх мігрантаў лютічаў.  А "балты" ВКЛ і сёняшнія - ліетувісы (летувяй).

Трэцяе: называць Міколу Гусоўскага "беларускім патрыётам" - абсурд і таксама фальсіфікацыя гісторыі. Белоруссы-беларусы - новаствораны ў 19 ст. народ, у значнай ступені "прадукт" Расейскай імперыі, - амаль цалкам пазбаўлены гістарычнай памяці і суб'ектнасьці.  А літвіны ВКЛ - амаль нацыя, прычым нацыя імперская, эліта якой, без сумненьня, памятала сваю папярэднюю гісторыю, была суб'ектнай і адной са сваральніц еўрапейскай гісторыі.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031