Знайсці
01.04.2023 / 07:504РусŁacБел

Бульба, фаршыраваная сырам і гарошкам, — нязвыклы падыход да звыклага прадукту

Гэтая простая ў гатаванні закуска можа быць і сямейнай стравай, і прапановай для гасцей. Вы можаце ўнесці змены ў рэцэпт і выкарыстоўваць мяса ці больш гародніны ў начынцы разам з сырам. Паспрабуйце і атрымайце асалоду!

Бульба, фаршыраваная сырам і гарошкам. Фота: recipes.timesofindia.com

На 4 порцыі вам спатрэбіцца:

  • 1 кубак сыру чэдар ці іншага цвёрдага сыру,
  • 4 сярэднія бульбіны,
  • 1/2 шклянкі малака,
  • 1 сярэдняя або вялікая цыбуліна,
  • 100 грам зялёнага замарожанага гарошку,
  • 150 г масла,
  • соль,
  • чорны перац,
  • кінза для ўпрыгажэння.

Як гатаваць:

  1. Бульбу вымыйце і абсушыце. Выкладзіце на бляху і запякайце каля 15—18 хвілін пры 180°C. Пакуль бульба пячэцца, нарэжце невялікую цыбуліну. Потым натрыце сыр і адкладзіце ўбок.
  2. Дастаньце бульбу, калі яна будзе гатовая, і разрэжце кожную бульбіну на палавінкі. Акуратна пры дапамозе чайнай лыжкі выньце мякаць з кожнай бульбіны і адкладзіце ўбок.
  3. Вазьміце вялікую міску і пакладзіце ў яе мякаць бульбы, гарох, масла, малако, соль разам з чорным перцам і добра ўсё перамяшайце, каб атрымалася пюрэ. Потым дадайце ў гэтую ж міску цёрты сыр (трохі пакіньце для пасыпання) і нарэзаны лук і зноў змяшайце.
  4. Начыніце палавінкі бульбы атрыманай сумессю. Пасыпце зверху начынку сырам, які вы пакінулі спецыяльна для гэтага.
  5. Далей змазваем форму для запякання маслам і выкладваем у яе фаршыраваныя бульбіны. Выпякайце бульбу 5—6 хвілін пры тэмпературы 177 °C. Пасля гатоўнасці дастаньце запечаную бульбу, яе можна ўпрыгожыць нарэзанай кінзой. Падавайце бульбу гарачай!

Вам таксама могуць спадабацца:

Рэцэпт на выхадныя. Бульба, фаршыраваная траской, — страва для сямейнага абеду

Рэцэпт на выхадныя. Бульба з беконам і мёдам — лёгкая, сытная і такая прыгожая

Якія працэсы адбываюцца ў вашым целе, калі вы ясце бульбу?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Жвір/адказаць/
01.04.2023
Не.Не.Не і не.
0
Доктар Хаус/адказаць/
01.04.2023
Не страва, а атамная бомба! Ну можна зрэдку з'есці, калі табе да 25 год і ты цяжка фізічна працуеш ці на спорце. У іншых выпадках я б не рэкамендаваў.
0
дочка Максима Дизайнера/адказаць/
01.04.2023
не ну чо
атлічная страва для першага спаткання... але трэба больш гарошку. а шчэ фасолі
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера