Знайсці
28.03.2023 / 08:463РусŁacБел

У ЗША палічылі парнаграфіяй статую Давіда. У Італіі абурыліся гэтым

Музей у Фларэнцыі, у якім знаходзіцца статуя аголенага Давіда працы Мікеланджэла, афіцыйна запрасіў прыехаць і паглядзець на арыгінал вучняў і настаўнікаў з амерыканскай школы, дырэктару якой прыйшлося звольніцца з-за ўрока пра гэты твор мастацтва.

Дырэктара школы ў штаце Фларыда вымусілі сысці з пасады пасля таго, як адзін з бацькоў паскардзіўся на тое, што шасцікласнікам на ўроку паказвалі выяву Давіда, піша Бі-бі-сі.

Вучні таксама разглядалі знакамітыя карціны «Стварэнне Адама» Мікеланджэла і «Нараджэнне Венеры» Батычэлі, на якіх выяўленыя аголеныя целы.

Адзін з бацькоў назваў гэтыя працы парнаграфіяй. Яшчэ двое заявілі, што падобны матэрыял школа павінна была ўзгадняць з бацькамі да ўрока.

У шостых класах амерыканскіх школ вучацца дзеці ва ўзросце 11-12 гадоў.

Статуя Давіда — адзін з самых вядомых твораў мастацтва Сярэднявечча. Давід — біблейскі персанаж, які перамог волата Галіяфа.

Даведаўшыся аб гэтай сітуацыі, дырэктарка Галерэі Акадэміі прыгожых мастацтваў Фларэнцыі, дзе выстаўленая статуя Давіда, звярнулася да школы з запрашэннем наведаць музей.

Паводле яе слоў, дырэктар школы заслугоўвае заахвочвання, а не пакарання.

«Выкладаць эпоху Рэнесансу, не паказваючы Давіда — бясспрэчны сімвал мастацтва і культуры гэтай гістарычнай эпохі, — у гэтым не было б ніякага сэнсу», — лічыць Сесіль Холберг, якая ўзначальвае галерэю.

Холберг распавяла, што была здзіўленая, калі пачула, што мармуровую статую Давіда XVI стагоддзя дзесьці назвалі парнаграфіяй. На яе думку, гэта не толькі неразуменне Бібліі, але і неразуменне самой заходняй культуры.

«Трэба падзяляць галізну і парнаграфію. Нічога парнаграфічнага або агрэсіўнага ў Давідзе няма. Ён юнак, пастух, у якога, як апісваецца ў Бібліі, не было годнага адзення, але які хацеў абараніць свой народ тымі сродкамі, якія ён меў», — падкрэслівае Холберг.

Мэр Фларэнцыі Дарыа Нардэла таксама запрасіў у горад настаўніка школы класічнай адукацыі горада Талахасі ў Фларыдзе, чый урок выклікаў такі скандал.

«Мяне завуць Джардані Ёванавіч, я дзіця Украіны». Украінскі кінапракат замахнуўся амаль на святое

«Пабыўшы ў пячоры Алі-Бабы, я вынес толькі тое, што змясцілася ў маіх далонях». Выйшла кніга пра беларускія фатаграфіі

«Рашэнне было абсалютна імпульсіўным». Лявон Вольскі расказаў, як разбіў на канцэрце гітару

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
ZЯZЮЛЯ/адказаць/
28.03.2023
Ориентиры совсем сбились.Так что, афро-Русалочка (свежий проект Диснея) не самый плохой вариант. У каждого общества свои этапы становления.Идущие следом, на их примере, должны брать самое лучшее.Ибо, учиться на чужих ошибках-полезно!
1
Chłopak z Wilno /адказаць/
28.03.2023
Давно пора понять, что у них совсем другая культура и знание об этой культуре. Более чем уверен, что 9 из 10 на вопрос: кто такой Микеланджело, скажут, что это черепашка-ниндзя. Страна живёт другими ценностями и другими интересами и по-другому, поэтому не нам их учить.
4
Филифион/адказаць/
28.03.2023
Прыбярыце голага мужчыну, вы ж не ў лазьні!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера