Знайсці
28.03.2023 / 18:187РусŁacБел

МАК выступіў за допуск беларусаў на спаборніцтвы пад нейтральным сцягам, але толькі ў індывідуальных відах спорту

Беларускія і расійскія спартсмены могуць удзельнічаць у міжнародных спаборніцтвах пад нейтральным сцягам і толькі ў індывідуальных турнірах. Удзел спартсменаў з гэтых краін у камандных відах спорту не разглядаецца, заявіў на прэс-канферэнцыі 28 сакавіка прэзідэнт Міжнароднага алімпійскага камітэта Томас Бах.

Томас Бах

«Сёння выканаўчы камітэт МАК выпускае міжнародным федэрацыям і арганізатарам міжнародных спартыўных спаборніцтваў наступныя рэкамендацыі:

па-першае, атлеты з расійскімі ці беларускімі пашпартамі павінны выступаць толькі ў якасці індывідуальных спартсменаў. Па — другое, спартсмены з расійскімі ці беларускімі пашпартамі ў камандных відах спорту не могуць разглядацца», — заявіў Бах.

МАК таксама рэкамендаваў дапусціць да ўдзелу ў спаборніцтвах у нейтральным статусе спартсменаў з Беларусі, якія не падтрымліваюць вайну ва Украіне. Удзел беларускіх і расійскіх спартсменаў у Алімпіядзе 2024 года ў Парыжы на пасяджэнні выканкама не абмяркоўваўся.

Таксама Бах у сваім выступленні падкрэсліў, што ўдзельнічаць у міжнародных спаборніцтвах не могуць спартсмены, якія нейкім чынам звязаныя з расійскімі і беларускімі ўзброенымі сіламі ці нацыянальнымі структурамі. Атлеты таксама павінны адпавядаць усім антыдопінгавым рэкамендацыям.

МАК таксама пакінуў у сіле рэкамендацыю па забароне на правядзенне міжнародных спаборніцтваў на тэрыторыі Беларусі і Расіі; забарону на выкарыстанне сцягоў, гімнаў, кветак або любых іншых апазнавальных знакаў Беларусі і Расіі падчас правядзення спартыўных мерапрыемстваў, а таксама забарону на акрэдытацыю спартыўных функцыянераў з Беларусі і Расіі на спаборніцтвы.

Многія заходнія краіны катэгарычна не падтрымліваюць любы ўдзел у спаборніцтвах усіх расійскіх і беларускіх спартсменаў. Толькі сёння больш за 300 фехтавальшчыкаў звярнуліся з адкрытым лістом у МАК з просьбай не дапускаць расіян.

Томас Бах, аднак, заявіў, што прадстаўнікі Расіі і цяпер удзельнічаюць у некаторых спаборніцтвах (тэніс, настольны тэніс, веласпорт) — і гэта яшчэ, маўляў, ні разу не прыводзіла да праблем з бяспекай: «Мы не можам знайсці рашэнне, якое задавальняла б усіх. З гэтым нам, магчыма, прыйдзецца жыць», — адзначыў Бах.

Чытайце таксама:

Кіраўнік МАК Томас Бах — за доступ спартсменаў з Беларусі і Расіі да Алімпійскіх гульняў-2024 у Парыжы

Украіна, Польшча і краіны Балтыі звярнуліся да МАК з заклікам не даваць палёгкі расійскім і беларускім спартсменам

УЕФА разгледзіць пытанне выключэння беларускага футбола з міжнародных спаборніцтваў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
28.03.2023
Індзівідуалка. Сугучна з прастытуцыяй.
0
Улад/адказаць/
28.03.2023
Хітры Бах! У камандных відах спорту атлетаў РБ не будзе на Алімпіадзе і на асноўных чэмпіянатах свету і без гэтых санкцый МАК.
0
Anatol Starkou /адказаць/
30.03.2023
[Рэд. выдалена]
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
1234
567891011
12131415161718
19202122232425
26272829