Знайсці
30.03.2023 / 07:28РусŁacБел

Папа Францішак трапіў у бальніцу

Ватыкан паведаміў, што Папа Рымскі Францішак трапіў у бальніцу з рэспіраторнай інфекцыяй і правядзе там некалькі дзён, піша Бі-бі-сі.

Фота: Andrew Medichini / AP

У заяве Каталіцкай царквы сказана, што ў апошнія дні ў пантыфіка былі цяжкасці з дыханнем, аднак кавід у яго не выяўлены. Францішак мае патрэбу ў «некалькіх днях неабходнага бальнічнага догляду», піша Ватыкан.

Цяпер у рабочым графіку 86-гадовага пантыфіка асабліва шмат падзей — з улікам падрыхтоўкі да Вялікадня, які сёлета будзе адзначацца 9 красавіка.

У гэтыя выходныя ў Ватыкане павінна адбыцца служба з нагоды ўваходу Гасподняга ў Іерусалім (або імша Вербнай нядзелі).

У канцы красавіка Францішак таксама павінен здзейсніць візіт у Венгрыю.

У сераду раніцай Францішак прыняў удзел у штотыднёвай аўдыенцыі на плошчы Святога Пятра.

Нягледзячы на праблемы са здароўем, папа Рымскі актыўна працуе і сёлета ўжо здзейсніў некалькі паездак за мяжу. У тым ліку ён наведаў Дэмакратычную Рэспубліку Конга і Паўднёвы Судан.

У студзені Францішак правёў пахаванне свайго папярэдніка Папы Бенедыкта XVI, які стаў першым пантыфікам за многія стагоддзі, што добраахвотна падаў у адстаўку праз стан здароўя.

Раней папа Францішак казаў, што таксама можа сысці са сваёй пасады, калі яго здароўе пагоршыцца.

Чытаць таксама:

Папа Францішак назваў украінцаў «народам-пакутнікам»

Папа Францішак паедзе ў Кіеў толькі тады, калі яго запросяць і ў Маскву

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера