Знайсці
30.03.2023 / 16:565РусŁacБел

Мая Санду: Расія хоча выкарыстоўваць Малдову гэтак жа, як і Беларусь

Прэзідэнт Малдовы Мая Санду заявіла, што Расія хоча выкарыстоўваць яе краіну супраць Украіны гэтак жа, як Крэмль выкарыстоўвае Беларусь. Пра гэта паведамляе «Украінская праўда».

Мая Санду. Фота Aurel Obreja / AP

Санду заявіла, што Расія спрабуе падарваць, зрынуць уладу ў Кішынёве, а ў малдаўскіх уладаў ёсць доказы такіх дзеянняў.

«Зразумела, што Расія спрабуе ўсталяваць у Кішынёве прарасійскую ўладу, каб выкарыстоўваць Малдову супраць Украіны, як гэта адбываецца, напрыклад, у выпадку з Беларуссю», — сказала малдоўская прэзідэнтка.

Яна нагадала пра нядаўнюю заяву прэзідэнта Расіі Уладзіміра Пуціна адносна намеру размясціць на тэрыторыі Беларусі тактычную ядзерную зброю.

«Менавіта гэта Расія хоча зрабіць і ў выпадку з Малдовай. Аднак сёння ў Малдове ёсць незалежная ўлада, абраная яе грамадзянамі, якая працуе на карысць грамадзян і Малдовы, таму яе нельга выкарыстоўваць так, як выкарыстоўвала б прарасійскае кіраўніцтва», — заявіла Санду.

Раней Малдова заклікала ЕС накласці санкцыі на алігархаў, якія, з яе слоў, супрацоўнічаюць з Расіяй у распальванні гвалту і звяржэнні ўрада. Пасля гэтага некалькі міністраў замежных спраў краін Еўрасаюза — у прыватнасці, Францыі і Эстоніі — падтрымалі заклік Кішынёва.

Заява Малдовы з'явілася на фоне раскрытага плана Крамля па дэстабілізацыі сітуацыі ў краіне, які прадугледжваў кантроль над палітычнай сферай, энергетычны шантаж, а таксама ўзмацненне напружанасці ў Прыднястроўі. Афіцыйна Масква адмаўляе «план дэстабілізацыі Малдовы», заявіўшы, што гэта «абсалютна беспадстаўныя» заявы.

Чытайце таксама:

Дзяржаўнай мовай Малдовы замест малдаўскай стала румынская

Санду: Малдову абараняе не нейтралітэт, а армія Украіны

Прэзідэнт Малдовы агучыла інфармацыі пра план дэстабілізацыі краіны. У ім мелі ўдзельнічаць і грамадзяне Беларусі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Назіральнік/адказаць
30.03.2023
Нават трохі дзіўна, што ў Маі Санду такое прозвішча, бо насамрэч яна Мае Рацыю.
0
Интересно/адказаць
30.03.2023
Маринеску, а вы за использование молдавского Приднестровья платить не забываете ?
0
15 рублей/адказаць
31.03.2023
Маринеску, Делай скрин, получи 15 рублей и в кассу тролль. Если ты, конечно, человек. Хотя нет, в любом случае ты не человек.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
252627282930