Знайсці
31.03.2023 / 07:16РусŁacБел

Прызыў можа перашкодзіць Расіі папаўняць часці ва Украіне — ISW

Амерыканскі Інстытут вывучэння вайны (ISW) у чарговай зводцы піша, сярод іншага, што абвешчаны з 1 красавіка вясновы прызыў у войска можа перашкодзіць Расіі рыхтаваць папаўненне для арміі, якая ваюе ва Украіне.

Фота: AP

ISW нагадвае, што, паводле яго ўражання, Пуцін лічыць небяспечным для стабільнасці сваёй улады адпраўляць на вайну маладых прызыўнікоў і таму зрабіў стаўку на мабілізацыю рэзервістаў і набор добраахвотнікаў.

Таму прызыўнікі, хутчэй за ўсё, ваяваць не паедуць, але іх усё роўна таксама трэба дзесьці навучаць.

«Навучальныя магутнасці Расіі абмежаваныя, і тое, што іх зоймуць прызыўнікі, якія не будуць ваяваць ва Украіне ў 2023 годзе, пазбаўляе Крэмль магчымасці навучаць рэзервістаў і добраахвотнікаў, якія ваяваць будуць», — разважаюць аўтары зводкі ISW.

Яны мяркуюць, што расійская дзяржава можа паспрабаваць набраць папаўненне для часцей ва Украіне, прымушаючы або ўгаворваючы падпісаць кантракт нейкую частку салдат, што заканчваюць службу па прызыве і ўжо ў нейкай меры падрыхтаваныя да таго, каб ваяваць.

«Але наколькі паспяховым можа быць такое рашэнне, не ясна», — адзначаюць аналітыкі Інстытута вывучэння вайны.

Чытайце таксама:

ЗША ацэньваюць расійскія страты ў вайне ў 220 тысяч вайскоўцаў

Мінабароны Вялікабрытаніі: Расійскія войскі вяртаюцца да абароны пасля няўдалага наступу на Бахмут

Сакратар Рады нацыянальнай бяспекі і абароны Украіны: Бахмут для нас з'яўляецца ключавым пунктам

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера