Знайсці
01.04.2023 / 17:294РусŁacБел

Стануць даражэйшымі візы ЗША

З 30 мая 2023 года павялічваецца кошт некаторых тыпаў віз для часовага ўезду ў ЗША. Заява пра гэта апублікаваная на сайце Дзярждэпартамента ЗША.

З 30 мая 2023 года працоўныя, турыстычныя, гасцявыя і некаторыя іншыя візы ў ЗША падаражэюць на 8-50%.

Візы катэгорый B1/B2 (бізнэс і турызм), F1/F2 (студэнцкая), J (гасцявая віза па абмене) падаражэюць да 185 даляраў замест ранейшых 160. А менш за ўсё цана зменіцца на сезонныя працоўныя візы H, L, O, P, Q і R — 205 даляраў замест 190.

Найбольш істотна падаражэе віза тыпу E для трэйдараў і інвестараў — 315 даляраў замест 205.

«Працоўныя і турыстычныя візы маюць важнае значэнне для знешняй палітыкі прэзідэнта Байдэна, і мы прызнаем вырашальную ролю, якую міжнародныя паездкі адыгрываюць у эканоміцы ЗША», — гаворыцца ў паведамленні Дзярждэпа.

Беларусам атрымаць візу цяпер увогуле складана. Консульства ЗША ў Мінску прыпыніла прыём дакументаў на ўсе тыпы віз з 22 лютага 2022 года. Найбліжэйшае даступнае для беларусаў консульства ЗША знаходзіцца ў Варшаве. Аднак гэты варыянт падыходзіць толькі для тых, у каго ёсць шэнгенская віза.

Альтэрнатывамі для ахвотных паехаць у ЗША могуць стаць Амбасада ЗША ў Астане і Генеральнае консульства ЗША ў Алматы. Там для нерэзідэнтаў Казахстана выдзеленая абмежаваная колькасць месцаў.

У 2022 годзе беларусам, якія падаваліся на амерыканскія візы тыпу B, адмаўлялі ў 26,5% выпадкаў.

Чытайце таксама:

Час, грошы, нервы: што зараз з аўтобуснымі турамі ў Еўропу

Пасольства Германіі прымае дакументы на візы па-новаму

Урад Чэхіі яшчэ на год працягнуў візавую забарону для беларусаў

Атрымаць польскую візу стала адначасова складаней і прасцей. Што змянілася?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
0
Ха-ха
0
Ого
0
Сумна
4
Абуральна
3
0
Аканом/адказаць/
01.04.2023
Кошты на ранзітныя, падобна, зьменам падвержаны ня будуць ?
0
Академик Павлов/адказаць/
01.04.2023
Anatol Starkou , ты реально к психитру запишись на приём. Совсем плох стал
0
Anatol Starkou /адказаць/
02.04.2023
Академик Павлов, рашыу́ Я таксама акучыць прафеciю псiхiaтра. Дачка запiсала мяне на бесплатовыя курсы.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031