Сафію Сапегу адправяць у Расію даседжваць тэрмін
Маці Сафіі і яе бацька падалі хадайніцтва ў Мінюст РФ аб пераводзе дачкі ў Расію. Беларускі бок даў згоду, як і сама дзяўчына, піша «База» са спасылкай на адваката Антона Гашынскага.
Цяпер сямʼя Сапегі чакае суда ў Расіі, які павінен вызначыць тэрмін адбыцця пакарання Сапегі на радзіме. Пасля гэтага яе перавод стане тэхнічна магчымы.
Сафія Сапега — былая дзяўчына былога рэдактара тэлеграм-канала Nexta Рамана Пратасевіча. У маі 2021 года іх абодвух затрымалі ў Мінску пасля прымусовай пасадкі самалёта з імі на борце. У маі 2022 года Сапегу, абвінавачаную па сямі артыкулах Крымінальнага кодэкса Беларусі, прысудзілі да шасці гадоў пазбаўлення волі.
Лукашэнка, які раней казаў, што «шкада дзяўчыну», адмовіў ёй у памілаванні.
Суд над Пратасевічам ідзе цяпер.
