«Ветразь», «караблікі» і нават Зыбіцкая. Якія офісы прадаюцца ў Мінску
Рынак офіснай нерухомасці Мінска перажывае няпростыя часы. Паводле аналітыкаў, на канец 2022 года вакантнымі заставаліся больш за 187 тысяч квадратных метраў офісаў, што складала каля 18,1% ад агульнага стоку. Kufar.by паспрабаваў знайсці найлепшыя варыянты.
Ёсць такое вызначэнне «ціхі цэнтр». Але адшукаць месца на карце Мінска, дзе «ціхі цэнтр» існуе ў рэальнасці, не так проста. Паміж вуліцамі Захарава і Фрунзэ, літаральна за пяць хвілін хады ад плошчы Перамогі, зусім побач з паркам імя Горкага знаходзіцца Вайсковы завулак. Гэта і ёсць самы сапраўдны «ціхі цэнтр» — зялёны, малапавярховы, надзейна закрыты ад старонніх вачэй.
Тут прадаецца абсалютна ўнікальны для рынку камерцыйнай нерухомасці сталіцы аб'ект — расселены 2-кватэрны жылы дом, пераведзены ў нежылы фонд. Агульная плошча 2-павярховага 5-пакаёвага катэджа — 299 м2. Разам з домам прадаецца і ўчастак плошчай 13,5 соткі. На ўчастку размешчаны гараж на два аўтамабілі і пладаносны сад. У аб'яве сцвярджаецца, што раней у гэтым доме пражывалі сем'і вышэйшых кіраўнікоў Беларускай чыгункі ў рангу генерал-дырэктара.
Распрацаваны эскізны праект ператварэння гэтага дома ў сучасны офіс з падземным паркінгам. Ён прадугледжвае рэканструкцыю існуючага будынка, у якім будуць размяшчацца апартаменты, а таксама прыбудову новага корпуса з задняга боку існуючага будынка, дзе будуць размешчаны офісныя памяшканні. Праект максімальна захоўвае адзіную стылістыку забудовы і візуальнае аблічча вуліцы. Не выключаная і магчымасць пераводу будынка ў жылы фонд.
Кошт гэтага аб'екта — 7 269 323 рублёў (2 475 000 $).
Адна з самых прэстыжных офісных лакацый — комплекс будынкаў на праспекце Пераможцаў, насупраць «Мінск-Арэны», так званыя «караблікі». Тут прадаецца памяшканне агульнай плошчай 260 м2. Мэбля і рамонт — у падарунак новаму ўласніку. Цана дагаворная.
Адразу некалькі офісных памяшканняў можна набыць у адным з самых высокіх жылых комплексаў сталіцы — «Ветразі». Месца выдатнае — скрыжаванне буйных транспартных магістраляў, вуліц Кальварыйскай і Ціміразева, побач некалькі станцый метро.
За 916 963 рублёў (312 200$) тут прадаецца офіс агульнай плошчай 223 м2. Добры рамонт, усе камунікацыі.
Плошча Якуба Коласа, ГЦ «Маскоўска-Венскі». Тут можна набыць 2-павярховы офіс агульнай плошчай 69 м2. Вокны выходзяць на праспект Незалежнасці. Ёсць усе неабходныя камунікацыі. Доступ у будынак 08:00—23:00, кругласутачная ахова, платная паркоўка з адваротнага боку будынка.
На вуліцы Маскоўская, у будынку, які з'яўляецца помнікам гісторыка-культурнай спадчыны, размешчаныя офісныя памяшканні агульнай плошчай 193 м2. Яны знаходзяцца на 5 паверхах. Таксама ёсць тэхнічны паверх і паркоўка. Кошт дагаворны.
Самая тусовачная вуліца Мінска Зыбіцкая гуляе і весяліцца не 24 гадзіны на суткі. Тут прадаецца і некалькі офісных памяшканняў. Напрыклад, вось гэты велізарны офіс агульнай плошчай 1201.5 м2. Ён размешчаны на трох паверхах. У памяшканнях выкананы добры рамонт, ёсць усе неабходныя камунікацыі. Цана дагаворная.
ЖК «Графіт» размешчаны ў самым цэнтры — на вуліцы Мяснікова, побач з Нямігай. Тут прадаецца па дагаворнай цане памяшканне агульнай плошчай 387.9 м2. Яго ўнікальная асаблівасць — наяўнасць тэрасы і балкона-галерэі. У будынку ёсць падземны паркінг.
Некалькі офісаў даступна для набыцця ў бізнэс-цэнтры «Аляксандраў Пасаж». Ён знаходзіцца насупраць Нацыянальнай бібліятэкі, на скрыжаванні праспекта Незалежнасці і вуліцы Філімонава.
Вось, напрыклад, офіс агульнай плошчай 167.8 м2, які прапануецца за 985 691 рублёў (335 600$).
Выдатны офіс прадаецца на вуліцы Алейнай, непадалёк ад Севастопальскага парку. Ён знаходзіцца ў асобным катэджы. Гэта 3-узроўневы будынак з усімі неабходнымі камунікацыямі. Зроблены дызайнерскі рамонт. Агульная плошча — 387 м2. Двор добраўпарадкаваны, ёсць асобная паркоўка. Кошт прапановы — 1 136 951 рублёў (387 100$).
Чытайце таксама:
Зноў спрабуюць прадаць будынак «Трайпла» на Ракаўскай у Мінску
У Бараўлянах прадаюць міні-замак, і не задорага
На продаж у мінскай Грушаўцы выставілі вялікі катэдж — былое пасольства
