Знайсці
11.05.2023 / 14:10РусŁacБел

Google прэзентаваў пошукавік на базе штучнага інтэлекту

На сваёй штогадовай канферэнцыі для распрацоўшчыкаў Google заявіла, што прапануе мільёнам карыстальнікаў функцыю пошуку, якая будзе ўключаць зводкі, створаныя ШІ — для запытаў, аналагічных тым, што выдаюцца чат-ботамі, такімі як ChatGPT.

Кампанія Google заявіла, што яе абноўленая пошукавая сістэма будзе ўлічваць папярэднія запыты карыстальніка і такім чынам дасць магчымасць шукаць інфармацыю без неабходнасці паўтараць ужо апісаны кантэкст або дэталі.

Сістэма будзе аўтаматычна ствараць персаналізаваныя адказы на паведамленні ў асабістым чаце карыстальніка.

Адказы на аснове ШІ таксама будуць уключаць спасылкі на вэб-крыніцы, з якіх атрыманыя адказы — гэта спроба даць рады праблеме са сфабрыкаванай інфармацыяй.

Карыстальнікі па-ранейшаму змогуць атрымаць доступ да фармату пошуку Google у выглядзе спісу спасылак пад згенераванымі машынай адказамі.

«Карыстальнікі хочуць бачыць інфармацыю, прывязаную да вядомага брэнда, напрыклад… Сусветнай арганізацыі аховы здароўя ці праверанага агенцтва навін, — цытуе The Financial Times Кэці Эдвардс, віцэ-прэзідэнтку Google Search. — Мы не думаем, што карыстальнікі хочуць, каб ім даваў адказ штучны інтэлект».

У рамках сваіх новых вынікаў пошуку Google таксама паспрабуе сацыяльную функцыю пад назвай «Перспектывы», якая будзе паказваць карыстальнікам інфармацыю ад вядомых людзей на платформах сацыяльных сетак у выглядзе відэа, reels, малюнкаў і пісьмовых паведамленняў, а не спасылак на вэб-сайты.

Першапачаткова функцыя пошуку будзе даступная толькі ў ЗША праз сістэму спісаў чакання. Але кампанія паведаміла, што ў хуткім часе разгледзіць магчымасць больш шырокага разгортвання новай пошукавай сістэмы.

Google спрабуе дагнаць Microsoft у спажывецкіх прадуктах штучнага інтэлекту.

У лютым Microsoft апярэдзіла свайго канкурэнта, прэзентаваўшы пошукавую сістэму Bing, якая кіруецца штучным інтэлектам — яна выкарыстоўвае тэхналогію OpenAI GPT. Праз месяц OpenAI прэзентавала моўную мадэль GPT-4, доступ да якой карыстальнікі могуць атрымаць праз прэміум-версію ChatGPT і праз Bing.

Чытайце яшчэ:

Microsoft абвясціў аб адкрыцці доступу да пошукавіка Bing на аснове штучнага інтэлекту для ўсіх карыстальнікаў

У пошукавіку Google з'явіўся малы Ёда з «Зорных войнаў». Расказваем, як яго выклікаць і што ён умее

Кітай хоча, каб штучны інтэлект адлюстроўваў асноўныя каштоўнасці сацыялізму

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера