Знайсці
19.05.2023 / 16:05РусŁacБел

Памёр акцёр Хельмут Бергер. Ён здымаўся ў фільмах Вісконці і сыграў Фантамаса

Акцёр памёр ва ўзросце 78 гадоў. Яго называлі легендай аўстрыйскага кіно.

Хельмут Бергер на фота справа. Фота: Alastair Grant / AP

Хельмут Бергер нарадзіўся ў Бад-Ішлі 29 мая 1944 года, правёў дзяцінства ў Зальцбургу і наведваў францысканскі каледж у Фельдкірху. Ва ўзросце 18 гадоў пераехаў у Лондан, каб навучацца акцёрскаму майстэрству. Каб аплаціць навучанне, падпрацоўваў афіцыянтам.

У 1964 годзе Бергер пазнаёміўся са славутым рэжысёрам Лукіна Вісконці, які пазней даў яму ролю ў эпізодзе «Спаленая вядзьмарка» фільма «Вядзьмаркі» (1967 год; фільм складаўся з пяці эпізодаў, знятых рознымі рэжысёрамі).

Але сусветную вядомасць Бергеру прынесла роля Марціна фон Эсенбека ў «Гібелі багоў» (1969). Гэта быў фільм пра пачаткі нацысцкай Нямеччыны.

У 1976 годзе памёр Лукіна Вісконці, што прывяло Бергера да глыбокай дэпрэсіі. У першую гадавіну смерці Бергер нават учыніў спробу самагубства.

У 1979-м ён зняўся ў серыяле «Фантамас» Хуана Луіса Бунюэля і Клода Шаброля.

Бергер шмат здымаўся ў 1980-я і 1990-я гады, у тым ліку на тэлебачанні, але, па словах крытыкаў, усе яго пазнейшыя працы саступалі па якасці ролям у фільмах Вісконці. У 1983—1984 гадах Бергер нават здымаўся ў адным сезоне папулярнай амерыканскай мыльнай оперы «Дынастыя».

Хельмут Бергер быў адкрытым бісэксуалам, яму прыпісваліся раманы са знакамітасцямі абодвух палоў. У 1998 годзе Бергер апублікаваў аўтабіяграфію «Ich» («Я»), большая частка якой прысвечана яго асабістаму жыццю.

Чытайце таксама:

Харысан Форд атрымаў «Залатую пальмавую галіну». Гэта было вялікай нечаканасцю для славутага акцёра

BlackBerry: кранальная драма-баёпік пра ўзлёт і падзенне мадэлі смартфона, папулярнай у 2000-я

Што паглядзець. «Сантэхнікі Белага дома» — палітычная сатыра на падставе рэальных падзей

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера