Знайсці
26.05.2023 / 20:102РусŁacБел

Украінскі генерал лічыць, што Лукашэнка свядома абмежаваў вайсковае супрацоўніцтва з Расіяй пасля няўдач на фронце. Але ці ў яго хто пытаецца?

Камандуючы Абʼяднанымі сіламі УСУ генерал-лейтэнант Сяргей Наеў у нядаўнім інтэрвʼю інфармацыйнаму агенцтву «Укрінформ» закрануў тэму супрацоўніцтва рэжыму Лукашэнкі з Расіяй. Ён лічыць, што «кіраўніцтва Беларусі абмежавала вайсковае супрацоўніцтва з Расіяй пасля няўдач на фронце». Але вядомы блогер і адзін з стваральнікаў маніторынгавай групы «Беларускі Гаюн» Антон Матолька лічыць, што папраўдзе гэта не так — прычына ў іншым.

Лукашэнка з Пуціным. Фота: ТАСС

На пытанне, чаму ў цяперашні час практычна няма вылетаў расійскай авіяцыі з аэрадромаў Узброеных сілаў Беларусі для нанясення ўдараў па тэрыторыі Украіны, Сяргей Наеў адказаў наступнае:

«Не лятаюць, таму што пасля няўдалага ўварвання арміі Расіі з тэрыторыі Беларусі, наступных няўдач на нашым усходзе і поўдні кіраўніцтва Беларусі абмежавала сваё супрацоўніцтва з Расіяй да пастаўкі ўзбраення, боепрыпасаў, а таксама надання палігонаў для падрыхтоўкі мабілізаваных».

Зыходзячы з прыведзенага вышэй адказу ў беларускага і ўкраінскага грамадства, піша Матолька, можа скласціся лжывае ўяўленне, што «абмежаванне супрацоўніцтва» з РФ адбылося выключна дзякуючы дзеянням рэжыму Лукашэнкі і стала вынікам няўдач Расіі ў вайне з Украінай.

Аднак такая пазіцыя, падкрэслівае ён, памылковая і нават шкодная.

Так, калі ўвесну 2022 года расіяне не па сваёй добрай волі, а праз яўную немагчымасць дасягнуць на гэтым кірунку пастаўленых задач адступілі з Кіеўскай вобласці на тэрыторыю Беларусі, большасць з іх адразу былі перакінутыя на ўсход Украіны для ўдзелу ў «бітве за Данбас».

У гэтым, на думку Матолькі, няма ніякай заслугі Лукашэнкі — проста знаходжанне гэтых вайскоўцаў у абставінах, якія склаліся, стала ў Беларусі бессэнсоўным.

Што тычыцца ракетных удараў, то аэрадромы УС Беларусі для гэтых мэт выкарыстоўваліся ў перыяд наступлення УС РФ у Кіеўскай вобласці, а ў далейшым практыкавалася нанясенне ракетных удараў самалётамі ПКС РФ, якія залятаюць з тэрыторыі Расіі ў паветраную прастору Беларусі.

Апошні такі дакладна зафіксаваны ракетны ўдар з тэрыторыі Беларусі быў нанесены па Украіне 6 кастрычніка 2022 года.

І ў тым, што пасля гэтую практыку спынілі, Матолька таксама не бачыць уплыву Лукашэнкі: проста для РФ такія атакі перасталі мець ваеннае значэнне, а калі б па-ранейшаму мелі, то ніякі Лукашэнка ім бы не перашкодзіў.

Таксама дыверсія на аэрадроме «Мачулішчы» паказала ўразлівасць аэрадромаў УС Беларусі, і ў сувязі з гэтым выкарыстоўваць тэрыторыю Беларусі для ажыццяўлення якіх-небудзь удараў стала менш бяспечным, чым гэта было раней.

Пры гэтым Матолька не сумняваецца, што ў выпадку ўзнікнення такой неабходнасці авіяцыйную групоўку ПКС РФ, размешчаную цяпер на тэрыторыі Беларусі, могуць прымяніць супраць Украіны, і ў Лукашэнкі ў такім разе пытацца дазволу ніхто не будзе.

«Агулам падтрымка агрэсіі Расіі супраць Украіны рэжымам Лукашэнкі будуецца выключна зыходзячы з цяперашніх патрэб УС РФ.

Трэба было наступаць РФ на Кіеў — калі ласка, вось вам плацдарм для наступу. Пачалася ў Расіі мабілізацыя, а месцы для навучання ўсім «мобікам» не хапіла — калі ласка, вось вам палігоны і інструктары. Узнікла патрэба ў тэхніцы і боепрыпасах — калі ласка, склады і арсеналы ў вашым распараджэнні. Лукашэнка закрывае любыя патрэбы Крамля, якія ўзнікаюць.

Такім чынам, дзеянні рэжыму Лукашэнкі не маюць нічога агульнага з тым, ці страляюць ці УС РФ па ўкраінскіх гарадах з тэрыторыі Беларусі або не», — канстатуе Матолькі.

Таму, упэўнены ён, кіраўніцтва Украіны (як вайсковае, так і палітычнае) павінна ўспрымаць персону Лукашэнкі выключна як ваеннага злачынцу, які разам з Пуціным панясе адказнасць за свае злачынствы. А не як чалавека, які сваімі дзеяннямі імкнецца неяк дапамагчы Украіне.

Чытайце таксама:

«Разам з расійскай зброяй можа з’явіцца і расійская вайсковая база. А выперці іх будзе складана». Якія наступствы атрымае Беларусь праз размяшчэнне ядзернай зброі на сваёй тэрыторыі

Дзе размесцяць расійскую ядзерную зброю, выбух якой можа знішчыць цэлы горад?

Лукашэнка заявіў, што Расія была гатовая заключыць «дагавор аб урэгуляванні канфлікту» ва Украіне

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
Чаркашкварка/адказаць/
26.05.2023
Увод ядзерных боегаловак гэта абмяжоувае? Яны там зусiм ужо ....ся?
1
Железный Дровосек /адказаць/
26.05.2023
Никакая орда со всеми своими тохтамышами и батыями никакого разрешения у русского калхозника спрашивать не будет—холуй он и есть холуй,и больше никто. Ноль субъектности. Причём,для всех.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031