Перад Днём Кіева горад перажыў моцную атаку дронамі
Кіраўнік Кіеўскай гарадской ваеннай адміністрацыі Сяргей Папко паведаміў, што атака дронаў на горад у ноч на 28 мая стала самай масіраванай з пачатку расійскага ўварвання.
Наступствы падзення абломкаў дрона ў Пячэрскім раёне Кіева. Фота: t.me/VA_Kyiv
«14-я паветраная атака на сталіцу з пачатку мая! Сёння вораг вырашыў павіншаваць кіеўцаў з Днём Кіева з дапамогай сваіх смяротных БПЛА. Папярэдне, гэта была самая масіраваная з пачатку поўнамаштабнага ўварвання атака дронамі на сталіцу, а дакладней — дронамі-камікадзэ Shahed», — гаворыцца ў заяве Папко.
Наступствы падзення абломкаў дрона ў Пячэрскім раёне Кіева. Фота: t.me/VA_Kyiv
Напад адбываўся некалькімі хвалямі, а паветраная трывога доўжылася больш за пяць гадзін.
Наступствы падзення абломкаў дрона ў Пячэрскім раёне Кіева. Фота: t.me/VA_Kyiv
Паводле папярэдніх звестак адміністрацыі, сродкі ўкраінскай СПА збілі больш за 40 беспілотнікаў. У выніку падзення абломкаў ёсць ахвяры і разбурэнні. Так, у Галасееўскім раёне загінуў адзін чалавек, там абломкі патрапілі ў сяміпавярховы нежылы будынак.
Такая маштабная атака была прымеркаваная да Дня Кіева, які ўкраінская сталіца традыцыйна адзначае ў апошнюю нядзелю мая.
Чытайце таксама:
Удар па Дняпры: завалы дагэтуль разбіраюць, лёс яшчэ траіх чалавек невядомы
Уначы па Украіне зноў быў нанесены ўдар «Шахедамі» і ракетамі
