Знайсці
28.05.2023 / 11:3612РусŁacБел

У Гродне жылы комплекс назавуць у гонар каралевы Боны

Забудоўшчык выбраў назву для будучага жылога комплексу на гродзенскай вуліцы Магістральнай, каля паліклінікі № 5. Яго вырашылі назваць «Бона» ў гонар каралевы і вялікай княгіні Боны Сфорца, паведамляе Hrodna Life.

«Партрэт маладой жанчыны (прынцэса Бона Сфорца)». Карціна Яна Матэйкі

Конкурс на назву новага жылога комплексу на Магістральнай брэсцкая фірма PObudowa («Палессежылбуд») абвяшчала ў сваім тэлеграм-канале. Удзельніку, чыю назву абяруць, абяцалі падарыць дызайн-праект любога памяшкання.

Сярод прапанаваных падпісантамі варыянтаў былі імёны гістарычных асоб, звязаных з Гродна, ЖК «Бугарок», «Магістр» і падобныя — паводле назвы вуліцы, а таксама «станоўчыя прыгожыя словы» (так акрэсліла іх адна з аўтарак) кшталту «Абрыкос», «Мальдзівы» і «Прэстыж».

Забудоўца спыніўся на варыянце «Бона». «Тым самым мы звяртаем увагу на важную гістарычную асобу, якая кардынальна паўплывала на развіццё Гродна», — пракаментаваў  свой выбар забудоўшчык. 

Цагляны 10-павярховы дом з гістарычнай назвай будзе складацца з дзвюх сумежных секцый, якія ўтвораць закрытую дваровую прастору. У ім будзе тры пад’езды, а частка кватэр будзе са свабоднай планіроўкай. У каларыстыцы, размяшчэнні вокнаў і сілуэце будынка архітэктары спрабавалі пераасэнсаваць архітэктурную спадчыну Гродзенскай вобласці: Мірскі замак, царкву ў Мураванцы, Стары замак у Гродне.

Праект ЖК на Магістральнай. Крыніца: Urban Hrodna

Будаўніцтва плануюць пачаць летам 2023 года і завяршыць у 2024-м.

Што Бона Сфорца значыць для Гродна

Дачка міланскага герцага Бона Сфорца стала жонкай караля польскага і вялікага князя літоўскага Жыгімонта І у 1518 годзе. Пры яе падтрымцы быў выдадзены першы Статут ВКЛ, будаваліся школы, храмы, шпіталі, праводзіліся рэформы.

Бона Сфорца набыла ў Юрыя Радзівіла Гродзенскае староства. Яна прывезла сюды невядомыя раней гародніну і садавіну, усталявала звычай есці відэльцам і трымаць пакаёвых птушак, стала заканадаўцай моды.

У Гродне на яе загад забрукавалі вуліцы і гандлёвую плошчу, горад атрымаў водаправод і дзве гарадскія пячаткі: асобную гандлёвую і ўрадавую з выявай аленя святога Губерта.

З часоў Боны паходзіць першая згадка пра знакаміты гарадскі ратушны гадзіннік, для абслугоўвання якога ў 1541 годзе Бона загадала ўзяць на службу спецыяльнага майстра. Таксама Бона фундавала грошы і на Фару Вітаўта і прафінансавала са скарбу стварэнне ў Гродне першага шпіталя пры кляштары і касцёле Святога Духа на сучаснай Савецкай вуліцы. Будынак стаіць там дагэтуль.

У 2019 годзе гродзенцы стварылі петыцыю аб ушанаванні каралевы Боны ў гарадской прасторы. Гарадскія ўлады згадзіліся, што гэта важна, дадалі Бону Сфорца ў адмысловы спіс, але прызналі, што грошай на ўсталяванне ў Гродне шыльды ці помніка пакуль няма.

Чытайце таксама:

Найстарэйшы ў Еўропе вежавы гадзіннік — у Гродне

Гродзенскі фатограф стварыў каляндар з гістарычнымі асобамі горада, а потым пачаў пісаць пра іх п’есы

Выйшла настольная гульня «Тутэйшыя» са знакамітымі беларусамі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Гарадзенец/адказаць/
28.05.2023
Вуліцы зноў будуць маскоўскія і савецкія?
0
Udziačny biełarus /адказаць/
28.05.2023
Ura! Imia z karaniami ŭ našaje miascovaje historyi rodnaha kraju, a nie dalokaje, čužoje Maskvy.
0
Ядвига/адказаць/
29.05.2023
Так и вижу, как кикимора в образе страшной Бондаревой шепчет на ухо Шведу страшилки, как Бона преследовала крестьян, которые мечтали попасть в Московский рай, а тот, побагровев от ужаса, даёт указания своим шавкам.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031