Знайсці
28.05.2023 / 14:002РусŁacБел

Пад Віцебскам паўдня шугаў вялікі пажар на гарадскім сметніку

А другой гадзіне ночы 27 мая віцебскія ратавальнікі атрымалі паведамленне аб пажары на тэрыторыі палігона цвёрдых бытавых адкідаў ДП «Спецаўтабаза». Пажар быў вялікі, таму тушылі яго паўсутак.

Нягледзячы на тое, што для тушэння ахопленага полымем смецця задзейнічалі ажно 10 адзінак тэхнікі і 28 чалавек (з іх 8 адзінак тэхнікі і 21 супрацоўнік МНС), да шостай гадзіны раніцы зона пажару ахоплівала прыкладна 1000 квадратных метраў.

Пасля таго пажар тушылі да абеду. Толькі прыкладна ў 13:30 у тэлеграм-канале беларускага МНС з'явілася паведамленне аб тым, што ратавальнікі ліквідавалі ўзгаранне смецця на палігоне цвёрдых бытавых адкідаў у Віцебскім раёне.

Віцебскі палігон цвёрдых камунальных адкідаў знаходзіцца за два кіламетры на ўсход ад абласнога цэнтра і займае плошчу 32 гектары.

Чытайце таксама:

Пад Мінскам здарыўся моцны пажар

У Мінску гарэў міжнародны ўніверсітэт

У бабруйскім шматпавярховіку загарэлася ванна

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
28.05.2023
Bacna -ratavaliki -Cennyja Specyjalisty !
28.05.2023
а верталёты? не?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера