Знайсці
30.05.2023 / 13:35РусŁacБел

«Сустрэў будучую жонку ў 16 гадоў». Гісторыя кахання найлепшага гульца ЧС па хакеі і яго другой паловы

Вендзія Шылава называе свайго мужа «львом». У нядзелю Артур Шылаў дапамог зборнай Латвіі ўпершыню ў гісторыі заваяваць бронзу чэмпіянату свету па хакеі.

Брамнік зборнай Латвіі па хакеі, 22-гадовы Артур Шылаў сустрэў будучую жонку Вендзію ў 16 гадоў, калі вучыўся ў 10 класе. Абое на той момант вучыліся ў гімназіі, піша Delfi.

Гэтая фатаграфія стаіць заставачнай у фэйсбуку ў Артура Шылава

Вендзія Шылава называе свайго мужа «львом»: «Артур моцны, вельмі рашучы, смелы і настойлівы. Ён будзе пераследаваць сваю мэту, як здабычу. Таму для мяне ён заўсёды будзе львом».

Гісторыя кахання Шылавых пачалася ў 10 класе. Вендзія адразу ўбачыла патэнцыял для поспеху, яна верыць, што аднойчы Кубак Стэнлі апынецца ў руках яе мужа [Артур Шылаў гуляе за клуб АХЛ (другая хакейная ліга ў Амерыцы), але правёў пяць матчаў за клуб НХЛ «Ванкувер» — НН]. «Калі мы пазнаёміліся, Артур шмат расказваў мне пра гульца НХЛ Андрэя Васілеўскага, які быў яго кумірам», — успамінае яна.

Паміж заручынамі і вяселлем прайшло шэсць месяцаў. Артур папрасіў рукі сваёй нявесты ў сакавіку 2019 года, у гэты дзень ён апошні раз гуляў за клуб «Рыга» — супраць клуба «Модо».

Вяселле было ціхім, пра яго ведалі нямногія. Як цяпер кажа Вендзія, гэта было трохі падобна да гісторыі Рамэа і Джульеты — яны абое прайшлі праз некаторыя цяжкасці перад вяселлем.

У іх таксама пыталіся, ці не занадта рана ажаніцца ў такім узросце — жаніху і нявесце было па 19 гадоў, але Вендзія кажа, што яны абое былі ўпэўненыя ў сваіх стасунках.

Вендзія Шылава. Фота з яе старонкі ў фэйсбуку

Вендзія жыве ў Латвіі, вучыцца на касметолага і працуе афіцыянткай. Яе муж большую частку часу праводзіць у Канадзе, дзе гуляе за каманду «Абасфорд Кэнакс». Апошні раз яны правялі разам доўгі час у лістападзе мінулага года, калі Вендзія на два тыдні прыязджала да мужа. Магчыма, яна падумае пра пераезд туды пасля заканчэння вучобы.

Яна часта атрымлівае кветкі ад Артура, якія дастаўляе кур'ер. Шылавы таксама купілі каня па мянушцы Бэла і завялі дзвюх котак. Вендзія клапоціцца пра жывёл на радзіме.

Матчы чэмпіянату свету яна глядзела дома з сям'ёй — у Тампэрэ на дзве апошнія гульні чэмпіянату свету не змагла паехаць праз вучобу.

Артур Шылаў прывёў сваю каманду да бронзы чэмпіянату свету і быў названы MVP першынства. Фота: IIHF.com

Па выніках чэмпіянату брамнік зборнай Латвіі Артур Шылаў прызнаны самым каштоўным гульцом турніру (MVP). Шылаў стаў пятым брамнікам, які атрымаў тытул MVP чэмпіянату свету. Акрамя таго, Шылаў — трэці латвійскі хакеіст у гісторыі, які станавіўся самым каштоўным гульцом турніру. Папярэднія два тытулы атрымалі Хельмут Балдэрыс (1977) і Артур Ірбэ (1990), якія гулялі тады за зборную СССР.

Чытайце таксама:

Гэта проста казка! Зборная Латвіі выйграла бронзу ЧС па хакеі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера