Знайсці
30.05.2023 / 16:184РусŁacБел

Польскі віцэ-міністр: Без вызвалення Пачобута ні пра якое паслабленне санкцый гаворкі не будзе

Намеснік міністра ўнутраных спраў Польшчы Мацей Вонсік даў інтэрв'ю Польскаму прэс-агенцтву, у якім не выключыў увядзення супраць Беларусі новых санкцый, калі рэжым Лукашэнкі не спыніць аптыпольскую палітыку. 

Мацей Вонсік. Фота: PAP

«Польшча — акно ў свет для Беларусі. Хай Беларусь карыстаецца гэтым акном разважліва і рацыянальна. Мы не пагаджаемся ні на які пераслед польскіх дзеячаў. Будзем рэагаваць усё мацней», — заявіў Вонсік.

Таксама ён адзначыў, што Польшча чакае ад беларускага боку вызвалення Андрэя Пачобута. І толькі пасля таго можна будзе казаць пра магчымасць хоць бы якога паслаблення накладзеных санкцый.

Учора з'явілася інфармацыя, што з 1 чэрвеня і да асаблівага распараджэння Польшча закрывае рух праз беларуска-польскую мяжу для грузавых аўтамабіляў, цягачоў, прычэпаў і паўпрычэпаў, саставаў транспартных сродкаў, зарэгістраваных у Беларусі і Расіі.

Акрамя таго, кіраўнік МУС Польшчы вырашыў уключыць у санкцыйны спіс 365 прадстаўнікоў беларускага рэжыму, а таксама 20 структур і 16 прадпрымальнікаў, пераважна звязаных з расійскім капіталам.

Усё гэта — рэакцыя на рашэнне лукашэнкаўскага суда асудзіць журналіста і актывіста польскай меншасці ў Беларусі Андрэя Пачобута да васьмі гадоў калоніі ўзмоцненага рэжыму. 26 мая Вярхоўны суд Беларусі разгледзеў апеляцыю і пакінуў прысуд у сіле.

Чытайце таксама:

Польшча закрыла мяжу для прычэпаў на беларускіх і расійскіх нумарах — як гэта адаб'ецца на Беларусі?

Перачапляць прычэпы будзе нельга, але перагружаць грузы яшчэ можна — Мытны камітэт

Польшча ўвяла за Пачобута новыя санкцыі супраць беларускіх чыноўнікаў і сілавікоў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
10
А як жа іншыя/адказаць/
30.05.2023
А як Пачобута вызваляць то хоць трава не расці...
30.05.2023
А як жа іншыя, // ne zgodzen -USIH na JAGO...
30.05.2023
Нихто яго не вызвалить
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031