Знайсці
30.05.2023 / 23:074РусŁacБел

Аловак Гітлера збіраюцца прадаць амаль за 100 тысяч еўра

Аловак Адольфа Гітлера скора збіраюцца прадаць на аўкцыёне. Кошт гэтага прадмета можа дасягнуць амаль 100 тысяч еўра, паведаміла 29 мая агенцтва The Guardian. Гэта быў падарунак ад Евы Браўн, падораны Гітлеру перад уварваннем у СССР.

Аловак Адольфа Гітлера з яго ўласнымі ініцыяламі і словам Eva на канцы невядомага надпісу збоку. Гэта быў падарунак ад Евы Браўн, каханкі Гітлера. Фота: Bloomfield Auctions/Kelvin Boyes/PressEye/PA

6 чэрвеня на аўкцыёне Bloomfield Auctions у Белфасце будуць прадаваць пасярэбраны аловак, які належаў кіраўніку нацысцкай Германіі Адольфу Гітлеру. Мяркуецца, што гэта быў падарунак ад ягонай каханкі Евы Браўн, які жанчына зрабіла фюрару на ягоны 52-ы дзень нараджэння 20 красавіка 1941 года, незадоўга да нямецкага ўварвання ў СССР.

Аловак збоку мае надпіс на нямецкай мове, які канчаецца на «Eva». Таксама на алоўку добра бачныя літары AH — уласныя ініцыялы Адольфа Гітлера.

«У большасці сваёй асабістая прывабнасць Гітлера падчас яго дыктатуры паходзіла з яго старанна сфармаванага вобразу як бацькі нямецкай нацыі, які ставіў лаяльнасць да сваёй краіны вышэй за асабістыя сувязі. Таму гэты знак кахання ў выглядзе персаналізаванага алоўка ад Евы Браўн дапамагае раскрыць тую асобу, якая стаіць за публічным фасадам Гітлера», — адзначыў Карл Бенет, дырэктар аўкцыённага дома, дзе збіраюцца прадаваць аловак.

Паводле ацэнак, кошт гэтага алоўка будзе вар'іравацца ад 57 да 92 тысяч еўра. Чакаецца, што такой рэччу зацікавяцца калекцыянеры з усяго свету.

Акрамя алоўка, на аўкцыёне таксама будуць прадаваць такія гістарычныя прадметы, як арыгінальную фатаграфію Гітлера з яго ўласным аўтографам і рэдкі рукапісны акт памілавання ірландскіх паўстанцаў з боку брытанскай каралевы Вікторыі, падпісаны ў 1869 годзе.

Чытайце таксама:

Нарэшце прыдумалі, што рабіць з домам, дзе нарадзіўся Гітлер

Музычны каталог Queen можа быць прададзены за ашаламляльную суму — CNN

Знакаміты венецыянскі Гранд-канал цалкам афарбаваўся ў ярка-зялёны. Паліцыя праводзіць расследаванне

Марк Рыхтэр

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
філолаг/адказаць/
30.05.2023
Ініцыялы AH добра кладуцца на ініцыялы Aliaksandr Hryhoravič і на іво фразу «не все только плохое было связано в Германии с известным Адольфом Гитлером».
1
Котриарх Перил/адказаць/
31.05.2023
Гундяю пусть продают, он такие реликвии любит.
0
Улад/адказаць/
31.05.2023
Хай бы падарылі гэты аловак Пуціну. Ці яшчэ якому "бацьке народу".
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера