У Краснадарскім краі пасля атакі беспілотнікаў гарэў НПЗ
Атака беспілотнікаў адбылася каля 3-й гадзіны ночы.
Скрыншот відэа
У Краснадарскім краі РФ загарэўся Афіпскі нафтаперапрацоўчы завод, імаверная прычына ўзнікнення пажару — траплянне беспілотнікаў, паведаміў у тэлеграме губернатар Веніямін Кандрацьеў.
«У Северскім раёне пажар на тэрыторыі Афіпскага НПЗ. Гарыць адна з установак па перагонцы мазуту. Папярэдняя прычына — прылёт БПЛА. На месцы працуюць пажарныя разлікі прадпрыемства, МНС і экстранныя службы, каб максімальна хутка ліквідаваць агонь. Ужо ўдалося лакалізаваць узгаранне на плошчы 100 квадратных метраў. Пацярпелых няма. Сітуацыю трымаю на асабістым кантролі», — напісаў ён ноччу.
«Baza» апублікавала відэа, на якім, магчыма, зафіксаваны прылёт беспілотніка.
Каля 4:40 Кандрацьеў паведаміў, што пажар на НПЗ цалкам ліквідаваны.
Чытайце таксама:
Беспілотнікі спрабавалі атакаваць Маскву, збілі каля дзясятка
Вайна прыйшла на Рублёўку. У эпіцэнтры атакі дронаў апынуліся маёнткі пуцінскай эліты
