Знайсці
04.06.2023 / 07:251РусŁacБел

Мексіканская кесадылья з курыцай, фасоляй, гароднінай і сырам

Калі ў вас ёсць сандвічніца, прыгатаваць кесадылью будзе прасцей. Калі няма — можна падсмажыць яе з двух бакоў на звычайнай патэльні.

Фота: 1000.menu

Ператварыце звычайны перакус у сапраўднае свята, прыгатаваўшы мексіканскую кесадылью.

Для яе вам спатрэбіцца:

  • 2 сталовыя лыжкі аліўкавага алею,
  • 1 кабачок, парэзаны агароднінарэзкай на доўгія палоскі або нажом — тонкімі пластамі,
  • 1 маленькая чырвоная цыбуліна, дробна нарэзаная,
  • 3 зубчыкі часнаку, здробленыя,
  • 1 чайная лыжка молатай каляндры,
  • 1 чайная лыжка молатага кмену,
  • 400-грамовая бляшанка чырвонай фасолі, прамытай,
  • 50 г памідораў чэры, нарэзаных на чвэртачкі,
  • 1/4 шклянкі буйна нарэзанай кінзы,
  • 4 мексіканскія тарцільі з мукі (яны прадаюцца ў такіх жа ўпакоўках, як і лаваш),
  • 2/3 шклянкі буйна нацёртага абястлушчанага сыру (напрыклад, чэдару),
  • 180 г смажанага перцу, высушанага, нарэзанага,
  • 1 шклянка буйна нарэзанай варанай курыцы,
  • 20 г маладога шпінату.

 

Для падачы:

  • 1/3 шклянкі лёгкай смятаны,
  • 1 лайм, нарэзаны долькамі.

 

Як гатаваць:

  1. Нагрэйце палову алею на вялікай патэльні на моцным агні. Гатуйце кабачок, пераварочваючы, 2—3 хвіліны або да мяккасці. Перакладзіце на талерку.
  2. Нагрэйце астатнюю частку алею на сярэднім агні. Падсмажце цыбулю, памешваючы, на працягу 3 хвілін або пакуль яна не стане мяккай. Дадайце часнок, молатую каляндру, кмен і фасолю. Гатуйце, памешваючы, на працягу 5 хвілін або пакуль фасоля не прагрэецца. Зніміце з агню. Дадайце памідоры і кінзу. Прыпраўце соллю і перцам. Перамяшайце.
  3. Разагрэйце сандвічніцу. Пакладзіце 2 тарцільі на працоўную паверхню. Пасыпце іх сырам, пакладзіце сумесь з фасолі, перцу, курыцы і шпінату. Накрыйце дзвюма астатнімі тарцільямі.
  4. Кладзіце гатовыя кесадыльі па адной у прэс для сандвічаў. Гатуйце ад 4 да 5 хвілін або пакуль добра не падсмажацца і не прагрэюцца. Нарэжце трохвугольнымі кавалкамі. Падавайце са смятанай і лаймам.

 

Калі ў вас няма сандвічніцы, можна гатаваць кесадылью на неглыбокай патэльні, накрыўшы зверху, напрыклад, цяжкай накрыўкай або невялікай талеркай у спалучэнні з яшчэ чым-небудзь цяжкім зверху. Падсмажвайце з аднаго боку, потым здымайце прэс, пераварочвайце сандвіч і падсмажвайце з другога боку.

 

Чытайце яшчэ:

Лаваш-ролы з курыцай і кукурузай — перакус, які зручна ўзяць з сабой, куды б вы ні выправіліся

Сняданак, дзеля якога хочацца прачнуцца: бліны з сырам і зелянінай

«Мексіканцы заўсёды на расслабоне»: беларус, які з’ехаў у Гвадалахару, расказвае пра тамтэйшае жыццё, кухню, бяспеку

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
6
Панылы сорам
0
Ха-ха
1
Ого
2
Сумна
1
Абуральна
0
2
ромавая баба/адказаць/
04.06.2023
"у спалучэнні з яшчэ чым-небудзь цяжкім зверху."
можна сесці зверху?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера