Знайсці
01.06.2023 / 10:155РусŁacБел

У Беларусі знайшлі замену H&M? Расказваем, хто можа прыйсці на замену і якія там цэны

У краіну прыходзіць сетка магазінаў расійскіх дызайнераў Slava. На сваёй радзіме новы брэнд займае гандлёвыя плошчы буйных рытэйлераў накшталт H&M, які пакінуў Расію ў мінулым годзе. Няўжо і ў Беларусі Slava зойме аналагічную пазіцыю?

Крыніца: Instagram / slavaconcept

Пра тое, што Slava плануе выходзіць на рынкі Беларусі і Узбекістана, стала вядома з інтэрв’ю стваральніка сеткі Аляксандра Перамятава. Дакладную дату адкрыцця магазінаў Перамятаў не называе, бо такое пашырэнне патрабуе істотных інвестыцый.

Адно з прапагандысцкіх беларускіх медыя ўжо паабяцала, што новы брэнд заменіць буйнога замежнага рытэйлера H&M, які сышоў з Беларусі ў 2022 годзе. Як мінімум на такую ролю Slava зараз прэтэндуе ў Расіі, якая сутыкнулася год таму з адтокам замежных вытворцаў у яшчэ большай ступені, чым Беларусь.

Slava з’явілася ў 2015 годзе. Брэнд, які мае ў Расіі ўжо больш за 30 магазінаў, прадае адзенне, абутак, упрыгажэнні, посуд, тавары для дома і касметыку расійскіх дызайнераў і вытворцаў.

Што расійская кампанія прапануе пакупнікам? Разгледзім гэта на прыкладзе некаторых тавараў ад Slava, якія расійская кампанія паказала ў інстаграме. І пачнём з жаночага адзення.

Крыніца: Instagram / slavaconcept

Яркі белы світшот з капюшонам ад Slava каштуе (у пераводзе на беларускую валюту) 373 рублі, больш сціплы карычневы варыянт без капюшона — 80 рублёў. Трошкі больш, амаль 84 беларускія рублі, каштавала б нам маленькая чорная майка (на скрыне). Кошт рэменя эквівалентны 93 рублям, сонечных акуляраў — амаль 109 рублям, а за чорныя джынсы просяць суму, эквівалентную амаль 142 рублям. 

Ружовая цішотка з прыгожым прынтам каштуе зусім не так прывабна — амаль 187 рублёў у пераводзе на беларускія грошы. Джогеры ў стылі Mark Formelle Slava прадае за 327 рублёў, невялікую карычневую сумку — за 308 рублёў. Хочаце падабраць сабе ў расійскай сетцы стылёвы ружовы касцюм? Рыхтуйце кашалёк: за штаны прыйдзецца выкласці амаль 296 рублёў, а за жакет — амаль 467 рублёў, то-бок цана ўсяго касцюма будзе каля 763 рублёў. Калі захочацца набыць у камплект да яго белую сумку, якую клапатліва падабралі для вас эсэмэмшчыкі Slava, рыхтуйце 283 рублі.

А якія цэны на адзенне для мужчын?

Крыніца: Instagram / slavaconcept

Трыкатажныя мужчынскія штаны ў стылі таго ж Mark Formelle абыдуцца, калі купляць іх у Slava, амаль у 183 беларускія рублі. За джэмперы папросяць адпаведна 244 і 260 рублёў, за дзьмутую камізэльку — ажно 300 рублёў.

Яшчэ ў расійскай сетцы ёсць аксесуары і абутак. Глядзіце самі.

Крыніца: Instagram / slavaconcept

Што атрымаем, калі перавядзём гэтыя сумы ў беларускія рублі? Чаравікі на скрынах каштуюць адпаведна 325 і 371 рубель, сумкі — 371 і 711 рублёў.

Крыніца: Instagram / slavaconcept

Паглядзім, што Slava прапануе для дзяцей. Чароўны ружовы камбінезончык для самых маленькіх каштуе, калі лічыць у беларускіх, 108 рублёў, яркая аранжавая шапка для большага дзіцяці — 52 рублі. За дзьмутую камізэльку просяць суму, эквівалентную 140 рублям, трыкатажныя касцюмы на дзяўчынку каштуюць адпаведна 155 і 168 рублёў. Нарэшце, кошт ружовага худзі на дзяўчынку аналагічны 75 рублям, а кошт тоненькага шэрага касцюма — 118 рублям.

Калі арыентавацца на гэтыя цэны, то пра тое, каб замяніць замежных масмаркет-рытэйлераў, якіх мы пазбавіліся ў 2022 годзе, гаворка пакуль не ідзе.

«Наша Нiва» — бастыён беларушчыны

ПАДТРЫМАЦЬ

«Хопіць іх аблізваць». На СТБ прапанавалі прымусіць ZARA размяшчаць беларускую прадукцыю на сваіх паліцах

«Фармат ГЦ размыўся». Як зараз жыве ГЦ Outleto, які хацеў скласці канкурэнцыю літоўскаму «Акропалісу»

Якія беларускія бары і кавярні ёсць у Вільні

Вера Белацаркоўская

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
02.06.2023
«Русское качество»—это оксюморон.
0
Geroyam slava ci pucinu?/адказаць/
02.06.2023
Нафік трэба.
есць марк фармель, есць замежныя брэнды
03.06.2023
Ну дык прывiталi ж тут некаторыя зыход заходнiх брэндаý i бiзнэсаý з Беларусi, канешне свята месца пуста не будзе. Прыход расейскiх альтэрнатыý быý толькi справай часу. Нажаль зараз не так шмат людзей ужо ездзяць "на закупы" у Лiтву, цi Польшчу як раней.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера