Знайсці
31.05.2023 / 17:403РусŁacБел

У Мінску збіраюцца ўзаконіць «самавольныя» кветнікі, за якія цяпер маюць штрафаваць

Улады сталіцы могуць узаконіць добраўпарадкаванне прыдамавых тэрыторый, выкананае грамадзянамі самастойна, пішуць «Мінск-Навіны» са спасылкай на намесніцу старшыні Камітэта землеўпарадкавання гарвыканкама Ганну Дубкову. Цяпер гэта парушэнне закона і можа карацца штрафам да 25 базавых велічынь. 

З 2022 года і па сёння, па словах Дубковай, у Мінску выяўлены шэраг парушэнняў зямельнага заканадаўства і правіл добраўпарадкавання.

«Некаторыя грамадзяне, не атрымаўшы дазволу гарадскіх улад, добраўпарадкавалі зямлю агульнага карыстання, прылеглую да іх зямельных участкаў, — патлумачыла чыноўніца. — Напрыклад, заасфальтавалі пад'езды, паклалі плітку, пасадзілі дэкаратыўныя расліны, разбілі кветнікі».

Гэта ўсё цяпер — парушэнне правілаў добраўпарадкавання, якія ў 2016 годзе зацвердзіў Мінскі гарсавет. Але такія факты сталічныя ўлады могуць узаконіць, прыняўшы адпаведныя рашэнні, і гараджанам не прыйдзецца плаціць штрафы за сваю ініцыятыву.

Прадстаўніца Мінгарвыканкама дадала, што людзей праінфармуюць пра наяўнасць парушэнняў — да гэтага часу іх налічылі звыш 6 тысяч, — а да 2025 года прымуць меры па легалізацыі.

З аднаго боку, па словах чыноўніцы, грамадзяне нібы і малайцы, што самастойна добраўпарадкавалі свае двары і ашчадзілі бюджэтныя грошы. Але з іншага — гэта ж дзеянні супраць дысцыпліны і парадку, імі парушаюцца ўстаноўленыя ўладамі правілы.

А за гэта прадугледжана адміністрацыйная адказнасць па арт. 22.10 КаАП — штраф да 25 базавых для фізічнай асобы, ад 20 да 100 для юрыдычнай і ад 10 да 50 для індывідуальнага прадпрымальніка.

Зрэшты, Ганна Дубкова запэўніла, што любое добраўпарадкаванне, якое не абмяжоўвае доступ да зямель агульнага карыстання, будзе ўзаконена. І толькі калі доступу няма, то аб'ект добраўпарадкавання дэмантуюць.

Чытайце таксама:

Лукашэнка падпісаў указ аб садаводчых таварыствах

А можа не варта так часта касіць газон? Вось што пра гэта кажа навука

Гомель упрыгожаць «вадаспадамі» з трапічных раслін

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
8
Ха-ха
3
Ого
0
Сумна
1
Абуральна
2
0
ветачку падняу - штраф. цвиточак пасадзиу - штраф/адказаць/
31.05.2023
"дзеянні супраць дысцыпліны і парадку, імі парушаюцца ўстаноўленыя ўладамі правілы"
https://dcsfxzu8xls6u.cloudfront.net/318050
так у стране ж не да законау
0
Аанкг/адказаць/
31.05.2023
Ім патрэбны нашы пенёндзы для акупацыйных маскавіцкіх жаўнкраў. Ганьба!
0
bhagawan/адказаць/
02.06.2023
paradak musić być tolki pad prymusam!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031