Знайсці
01.06.2023 / 09:31РусŁacБел

«Людзі грукалі, але ніхто не адчыніў». Жыхар Кіева распавёў, як у выніку сённяшняга абстрэлу загінула яго жонка

Акрамя жонкі Яраслава, загінулі яшчэ два чалавекі, у тым ліку дзіця. Усе яны ў той час накіроўваліся ў сховішча.

Жыхар Кіева Яраслаў, чыя жонка загінула падчас атакі расіян 1 чэрвеня, расказаў, што людзі прыбеглі ноччу да сховішча, але ім ніхто не адчыніў, піша «Украінская праўда».

«Была трывога, людзі беглі ў сховішча. Сховішча проста не адчынілі і ўсё. Людзі грукалі, вельмі доўга грукалі. І ніхто. Былі там жанчыны, дзеці і ніхто не адчыніў… у той момант прыляцела».

Жонка Яраслава загінула на вуліцы ў Дзяснянскім раёне Кіева, калі з дзіцем бегла ў сховішча. Дзіця засталося жывым.

Сам Яраслаў паведаміў, што быў побач з сям'ёй, але калі яны не змаглі дагрукацца да сховішча, то ён пабег на другі бок паклікаць, каб адчынілі.

Больш за дзесяць чалавек атрымалі раненні рознай ступені цяжкасці.

Раніцай Генштаб УСУ паведаміў, што ўначы вораг ізноў ужыў ракеты аператыўна-тактычнага ракетнага комплексу «Іскандэр» па аб'ектах грамадзянскай і крытычнай інфраструктуры сталіцы і вобласці. Паводле папярэдніх звестак, сіламі і сродкамі Паветраных сіл 10 з 10 ракет было знішчана.

У выніку падзення абломкаў расійскіх ракет у Кіеве загінулі 3 чалавекі, сярод якіх дзіця.

Чытайце таксама:

Начная атака на Кіеў. Ёсць загінулыя, у тым ліку дзіця

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
252627282930