Знайсці
01.06.2023 / 18:544РусŁacБел

«Група падтрымкі Украіны». У Магілёве затрымалі траіх мужчын

Відэа з затрыманымі з'явілася ў дзяржаўным канале Магілёва — «Беларусь 4».

Уладзімір Тычынскі і двое іншых затрыманых. Фота: «Укантакце», канал ГУБАЗіК

Спачатку паказваюць кадры затрымання 53-гадовага прадпрымальніка Уладзіміра Тычынскага. Родам ён з Аршанскага раёна, але доўгі час жыве ў Магілёве. 

Мужчына мае ўласны бізнэс па вытворчасці ўваходных дзвярэй, а таксама фірму ў Расіі, якая іх прадае. 

На кадрах, знятых ГУБАЗіКам, паказваюцца «доказы віны» Уладзіміра Тычынскага — гэта ўкраінская сімволіка ў аўто і ў яго дома. Іншай канкрэтыкі па тым, што ён рабіў, там няма.

Машына Уладзіміра Тычынскага. Скрыншот відэа «Беларусь 4»

З Уладзімірам затрымалі дваіх мужчын, якіх называюць «групай падтрымкі Украіны». Першы затрыманы кажа, што нібыта «Уладзімір прапанаваў зліць звесткі знаёмых у «Чорную кнігу Беларусі», але ён «адмовіўся, і з таго часу адносіны разладзіліся». За што яго затрымалі — увогуле няясна.

Другі затрыманы кажа, што яны з Уладзімірам аднадумцы: «Ён, як і я, асуджае дзеянні Расіі ва Украіне». Іншай інфармацыі пра яго няма.

Дзяржканал сцвярджае, што «праводзіцца праверка», а дзеянням мужчын «даецца прававая ацэнка».

«Наша Нiва» — бастыён беларушчыны

ПАДТРЫМАЦЬ

Чытайце таксама:

Лукашысты разбілі галаву мужчыне за беларускую налепку на аўто

ГУБАЗіК распавёў, у чым вінавацяць каталіцкага семінарыста Уладзіслава Беладзеда

За чатыры малюнкі. Баранавіцкага актывіста без нагі асудзілі на чатыры з паловай гады калоніі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
1
даведка/адказаць/
01.06.2023
Родом он из Оршанского района, но долгое время живёт в Могилёве... Будто выдержка из биографии Лукашенко. 
01.06.2023
Вообще-то Украина на нас не нападала. Если узурпатор втихаря с русскими договорился начать войну, то пусть не примазывает к этому простых людей. Это его война. С чего это офциальный флаг соседней страны, которая ничего плохого нам не сделала, находится под запретом?
0
Глеб Жэглоў/адказаць/
04.06.2023
Тыя, хто ў Магілёве з так званага "губазікі" кашмарыць па беспрэдзелу людзей-вядомы. Прыйдзе час прыйсьці і да іх...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера