Знайсці
02.06.2023 / 09:24РусŁacБел

Месі на наступным тыдні прыме рашэнне — Хаві

Галоўны трэнер «Барселоны» Хаві расказаў пра магчымае вяртанне Ліянэля Месі ў клуб.

Ліянэль Месі. Фота: Peter David Josek / AP

«Месі прыме рашэнне на наступным тыдні. Я ведаю, што Леа дапаможа нам, калі ён вырашыць прыехаць, але ўрэшце я думаю, што мы павінны пакінуць яго крыху ў спакоі. Што тычыцца футбольнай тэмы, то гэта залежыць ад яго. Для мяне ў гэтым няма ніякіх сумневаў. Калі Леа вырашыць прыехаць, для яго будуць адчыненыя дзверы», — запэўнівае трэнер «Барсы»;

Месі гуляў за «Барселону» з дзяцінства. У 2021 годзе ён перайшоў у ПСЖ.

Учора галоўны трэнер парыжскага клуба Крыстоф Гальцье заявіў, што матч апошняга тура чэмпіянату Францыі супраць «Клермона» стане апошнім для аргенцінца ў складзе клуба. Праўда, затым кіраўніцтва ПСЖ паправіла Гальцье, што ён няправільна выказаўся: матч стане апошнім у сезоне. Але французскія медыя пішуць, што сыход чэмпіёна свету справа вырашаная.

Таксама сёння стала вядома, што «Інтэр» Маямі зрабіў прапанову Месі.

Амерыканскі клуб прапануе аргенцінцу кантракт на чатыры гады з заробкам у 50 мільёнаў еўра ў год. Гэта не самая вялікая прапанова: «Аль-Хілаль» гатовы плаціць яму 500 мільёнаў у год, што зробіць Месі самым высокааплатным футбалістам свету.

Бяда толькі ў тым, што фларыдскі «Інтэр» ідзе на апошнім месцы ва Усходняй канферэнцыі, прайграўшы чатыры апошнія матчы запар.

Чытайце таксама:

Саудаўцы не здаюцца. Яны прапанавалі за Месі 1,2 мільярда еўра

Ліянэль Месі папрасіў прабачэння за паездку ў Саудаўскую Аравію

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
1
Ха-ха
1
Ого
0
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера