Знайсці
02.06.2023 / 11:361РусŁacБел

СБУ затрымала агента беларускага КДБ. Кажа, ён шпіёніў за паўночнай мяжой Украіны

Служба бяспекі паведаміла, што выкрыла яшчэ аднаго агента. 

Фота: СБУ

Інфарматарам выявіўся грамадзянін Беларусі, які мае дазвол на пастаяннае жыхарства ва Украіне і доўгі час пражывае на Ровеншчыне.

У пачатку поўнамаштабнага ўварвання РФ, як сцвярджае СБУ, ён быў завербаваны супрацоўнікам беларускага КДБ і ажыццяўляў разведвальна-падрыўную дзейнасць супраць Украіны.

Задачай агента быў збор даных аб абароне паўночных межаў Украіны і маршрутах перамяшчэння ваеннай тэхнікі.

Супрацоўнікі СБУ затрымалі чалавека па месцы яго жыхарства падчас чарговай спробы перадачы інфармацыі ў Беларусь.

Фота: СБУ

Выяўлена, што ў поле зроку беларускага КДБ ён трапіў як былы камандзір падраздзялення дэсантна-штурмавых войскаў Савецкага Саюза. Тады ён прымаў актыўны ўдзел у баявых дзеяннях у Афганістане.

Для выканання разведвальных заданняў на Ровеншчыне ён абыходзіў памежную тэрыторыю і назіраў за перамяшчэннем Сіл абароны, пра гэта паведамляе СБУ.

На падставе сабраных доказаў затрыманаму паведамілі аб падазрэнні.

Цяпер ён знаходзіцца пад вартай. Працягваецца расследаванне для выяўлення ўсіх абставінаў злачынства.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Ёсік/адказаць/
02.06.2023
А навошта хаваць твар пацука? Ці шчэ не ўпэўнены, што ён агент?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера