Знайсці
02.06.2023 / 17:074РусŁacБел

«Узялі старыя табліцы ЦТ». Як пералічылі балы на ЦЭ, хоць гэта і забаронена заканадаўствам

РІКВ сёння пералічыў вынікі цэнтралізаванага экзамену, як сцвярджаецца, па новай распрацаванай методыцы (хоць раней у Мінадукацыі заяўлялі, што па законе вынікі пералічыць нельга, таму нічога мяняцца не будзе). Пры гэтым новая методыка, здаецца, заключаецца ў павелічэнні першага выніку на 10-15 балаў і супадае з метадам падліку на РТ. «Люстэрка» даведалася дэталі ў выпускнікоў.

Фота: «Мінская праўда»

Выпускніца мінскай школы Вераніка (гэтае і наступныя імёны змененыя — Рэд.) здавала ЦЭ па беларускай мове. Першапачаткова яна атрымала 78 балаў, дапусціўшы дзве памылкі, а сёння ўбачыла ў асабістым кабінеце запаветныя 90. Праз тыдзень вынікі экзамену пералічылі па той жа сістэме, якая была на РТ. «Як і павінна быць!» — шчасліва каментуе дзяўчына.

Гэтак жа змяніўся бал Івана з Брэста: за адну памылку і два няпоўныя адказы ў тэсце па беларускай мове ён першапачаткова атрымаў 78 балаў, якія сёння ператварыліся ў 90.

А вось у адзінаццацікласніцы з Віцебска Ірыны вынік вырас на 10: замест першапачатковых 86 балаў за ЦЭ па рускай у сістэме цяпер 96. У Яраслава з Рэчыцы аналагічны плюс: цяпер у яго 92 балы за экзамен па рускай мове.

Яшчэ адна чытачка, Ганна з Віцебска, выявіла дадатковыя 14 балаў да свайго выніку: замест 75 па рускай мове ў яе 89 балаў. «На што я і разлічвала», — дадае дзяўчына і адзначае, што сістэма падліку сыходзіцца з той, якую ўжывалі на РТ.

З ёй згодны і Віктар з Мінска, у якога вынік экзамену па рускай змяніўся з 63 да 75: «Новая методыка разліку» — гэта проста старыя табліцы ЦТ».

Для сына Алены з Мінска пералік паўплывае і на гадавую адзнаку па беларускай у атэстаце: з 44 балаў вынік павялічыўся да 56, а за год замест 7 будзе 8. Сама жанчына працуе настаўніцай і таксама ўпэўненая: тое, што РІКВ назваў новай сістэмай, — гэта проста табліца пераводу балаў на РТ сёлета.

Вынікі ЦЭ па рускай і беларускай мовах школьнікі атрымалі ў панядзелак, 29 мая. Убачанае абурыла многіх: балы палічылі па новай сістэме, і ў выніку цана памылкі для тых, хто дапусціў усяго адну, была значна вышэйшай, чым для тых, хто даў шмат няправільных адказаў. У той жа дзень РІКВ заявіў, што вынікі слушныя і ніякага пераліку не будзе.

Праўда, пасля таго як скандал прыцягнуў увагу Лукашэнкі і той даручыў пералічыць вынікі, пастанова РІКВ змянілася, нягледзячы на забарону ў заканадаўстве.

Чытайце таксама:

Першы ЦЭ пералічаць па новай методыцы. Вынікі можна будзе дазнацца ўжо сёння

«У мяне ў галаве не ўкладваецца». Што выпускнікі і іх бацькі збіраюцца рабіць з вынікамі цэнтралізаванага экзамену?

Як падлічваюць балы на цэнтралізаваным экзамене і чаму гэта схема выклікала абурэнне

Бацькі задалі чыноўнікам свае пытанні пра цэнтралізаваны экзамен. Вось што ім патлумачылі пра пералік балаў

Мінадукацыі: Адзнакі на ЦЭ перагляду не падлягаюць. Апеляцыю падаць нельга

У скандал з цэнтралізаваным экзаменам свае пяць капеек уставіў Лукашэнка

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Правдоруб /адказаць/
02.06.2023
Петя, тут не в баллах дело! Тут, Петя из рикз, дело в том, что госструктуры (рикз) очередной раз показали, что там работают некомпетентные, неграмотные, чванливые людишки! Всех поганой метлой и сцаными тряпками обратно в колхоз!...
2
Пете/адказаць/
02.06.2023
Петя, все так, одна поправочка - "имбецилов".
0
Руда/адказаць/
03.06.2023
Петя, проблема была в том, что между людьми, набравшими 100 баллов, и людьми, сделавшими незначительные ошибки, была в 25 баллов! Сейчас люди хотя бы могут конкурировать с тысячей стобалльников, которые появились не только от облегчения теста, но и от массового списывания в деревнях!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера