Знайсці
03.06.2023 / 17:067РусŁacБел

Сула, Дудуткі, Дукора — колькі каштуе адпачынак у беларускіх парках культуры і гісторыі

Для адпачынку летам у Беларусі можна з'ездзіць у музеі гісторыі і культуры пад адкрытым небам. Самыя папулярныя з іх — «Вялікае княства Сула», «Дудуткі», «Дукорскі маёнтак». Акрамя звыклых магчымасцяў загараднага адпачынку там можна пазнаць шмат новага, наведаць экскурсіі. Myfin.by паглядзеў, колькі каштуе такі адпачынак.

Музей у вёсцы Сула

Усяго 49 кіламетраў ад Мінска — і вы ў музеі інтэрактыўнай гісторыі «Вялікае княства Сула». Музей знаходзіцца на беразе прыгожага возера з аднайменнай назвай.

За 25 рублёў для дарослых і 15 рублёў для дзяцей у Суле можна набыць экскурсію і палюбавацца адкрытымі гістарычнымі аб'ектамі: стаянкай старажытнага чалавека, вёскай вікінгаў, пляцоўкай дахрысціянскіх вераванняў і іншымі займальнымі месцамі. У цану экскурсіі таксама ўваходзіць катанне на брычцы і дакары, наведванне музея батлейкі з кароткім гумарыстычным спектаклем, ігры на шматфункцыянальнай дзіцячай пляцоўцы.

Фота: parksula.by

На тэрыторыі музея можна арандаваць альтанку з мангалам. Цана — 40 рублёў за гадзіну. Ёсць магчымасць пракаціцца на кані. Адно кола такой язды з індывідуальным інструктарам абыдзецца ў 15 рублёў.

Для тых, хто пражывае ў гатэлях Сулы, адчыненыя дзверы міні-SPA-комплексу. За 150 рублёў можна атрымаць асалоду ад СПА-працэдур на працягу дзвюх гадзін.

Праехацца па коннай чыгунцы можна за 8 рублёў для дарослага і 5 рублёў для дзіцяці.

На тэрыторыі Сулы ёсць рэстараны «Пан Старкi», «Шынок», «Каралеўская асамблея» і «Ля брамы». Тут можна пакаштаваць беларускую і славянскую кухню, у тым ліку дранікі, бліны з мачанкай, поліўку «Па-налібоцку» і шмат іншага.

Музейны комплекс «Дудуткі»

За 40 кіламетраў ад сталіцы ў Пухавіцкім напрамку знаходзіцца музейны комплекс «Дудуткі». Тут наведвальнікам дэманструюць асаблівасці старажытнага побыту беларусаў, народныя промыслы і рамёствы. Гасцям прапануюць экскурсіі па комплексе, дэгустацыю самабытных страў, наведванне заасада і катанне на конях.

Фота: bus.by

Экскурсія па Дудутках з наведваннем млына і пачастункамі каштуе 27 рублёў на чалавека.

Арэнда залы ўмяшчальнасцю да 40 чалавек абыдзецца ў 75 рублёў на чалавека, а арэнда гасцявога дома — 600 рублёў у суткі. 

Недалёка ад музейнага комплексу знаходзіцца гатэль «Пціч», дзе можна арандаваць нумар за 80 рублёў за суткі. Адзначыць дзень нараджэння ці вяселле на прыродзе ў Дудутках можна ў альтанцы. Арэнда альтанкі да 50 чалавек каштуе 15 рублёў на чалавека.

Папарыцца ў лазні на тэрыторыі Дудутак будзе каштаваць 280 рублёў за 3-4 гадзіны.

На тэрыторыі музейнага комплексу знаходзяцца сыраварня, кавярня «Шынок» і іншыя рэстараны, майстэрня дрэваапрацоўкі, ганчарная майстэрня, птушыны двор, пякарня, кузня і іншыя цікавыя аб'екты. Агледзець тэрыторыю Дудутак можна і самастойна (без экскурсавода) за 15 рублёў на чалавека. Школьнікам самастойны агляд музейнага комплексу абыдзецца ў 8 рублёў, а ўваход для дашкольнікаў бясплатны.

Музейны комплекс «Дукорскі маёнтак»

Музейны комплекс «Дукорскі маёнтак» прапануе гасцям экскурсіі па старажытным комплексе са спартыўнымі, забаўляльнымі мерапрыемствамі, праслухоўваннем старажытнай жывой музыкі, дэгустацыяй нацыянальных страў.

Кошт уваходнага квітка ў Дукоры — 20 рублёў на дарослага чалавека, 10 рублёў на школьніка. Дзецям да 7 гадоў уваход бясплатны. У кошт экскурсіі ўваходзіць наведванне перавернутага дома, рамесных майстэрняў, агляд 400-гадовага дуба і іншых аб'ектаў.

Фота: smart-tour.by

Дукоры таксама падыходзяць для актыўнага адпачынку. За 7 рублёў дзеці могуць пабавіць час у вяровачным гарадку, білет для дарослых каштуе 10 рублёў. 

Таксама можна пагуляць у пейнтбол і мінігольф, пакатацца на лодках і катамаранах. Арэнда лодкі абыдзецца ў 5 рублёў, а катамарана — у 7 рублёў.

Паабедаць ці павячэраць у музейным комплексе Дукоры можна ў кафэ «Страўня» і «Шынок». У меню — сытныя стравы славянскай кухні.

Такім чынам, калі вы плануеце наведаць культурныя ці спартовыя мерапрыемствы, а таксама заказаць паўнавартасны абед ці вячэру, то ўзяць з сабой прыйдзецца не меней за 120 рублёў на дарослага чалавека.

Чытайце таксама:

Праскрыпцыі Сулы — «Чорная кніга Рыма»? Як рымскі консул вынішчаў ворагаў рэспублікі 

Улады паказалі, з дапамогаю якіх тэхнічных сродкаў будуць сёлета кантраляваць адпачынак на пляжах 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
2
дочка Максима Дизайнера/адказаць
03.06.2023
ни в Дудутках, ни в Дукоре не была
потому что сразу понимала, насколько это искусственно все
в Суле, к сожалению (говорю ж))
побывала один раз
до сих пор отплеваться не могу
1
дзед Максіма Дызайнера/адказаць
04.06.2023
дочка Максима Дизайнера, але іншага ў нас няма...
04.06.2023
дочка Максима Дизайнера, // Nesta padobna ja adczuvau kali pabyvau u Brusseli na *Vuliczy czyrvonyh lihtarou*......
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера