Знайсці
05.06.2023 / 07:23РусŁacБел

Легендарны футбаліст Златан Ібрагімавіч абвясціў пра завяршэнне кар'еры

Форвард італьянскага клуба «Мілан» абвясціў пра завяршэнне кар'еры футбаліста ва ўзросце 41 года. Ён стаў чэмпіёнам у чатырох краінах.

Златан Ібрагімавіч. Фота: інстаграм футбаліста

«Я развітваюся з футболам, але не з вамі», — сказаў швед заўзятарам на «Сан-Сіра» пасля нядзельнай апошняй гульні сезона.

Ібрагімавіч абвясціў, што пакідае італьянскі клуб, бо яго кантракт заканчваецца ў гэтым месяцы.

Футбаліст забіў 511 галоў у 639 матчах за такія клубы, як «Мальмё», «Аякс», «Ювентус», «Пары Сэн-Жэрмен», «Манчэстэр Юнайтэд», «Барселона», «Мілан», «Інтэр», выйграў чэмпіёнскія тытулы ў чатырох краінах («Аякс», «Інтэр», «Мілан», «Ювентус», «Мілан», «Барселона», ПСЖ).

Форвард таксама завяршае кар'еру як найлепшы бамбардзір Швецыі з 62 галамі ў 121 матчы.

Ён пакінуў нацыянальную каманду пасля Еўра-2016, але вярнуўся ў 2021 годзе падчас няўдалай адборачнай кампаніі да чэмпіянату свету.

Чытайце таксама:

Бензема пакідае «Рэал»

Станіслаў Драгун абвясціў пра завяршэнне кар'еры. Ён быў у «чорным спісе» Мінспорту

«Кальяры» выбіў «Парму» 45-гадовага Буфона з плэй-оф Серыі B

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера