Усіх затрыманых медыкаў у Наваполацку звольнілі па артыкуле за прагулы — «Белыя халаты»
17 мая адбылося масавае затрыманне медыкаў у Цэнтральнай гарадской бальніцы Наваполацка. Многім медыкам далі ад 10 да 15 сутак. Некаторым выпісалі штрафы.
Потым іх звольнілі за прагулы, як паведамляе тэлеграм-канал «Белыя халаты».
Нагадаем, што хірурга Міхаіла Пачкоўскага і ўролага Паўла Стальмакова арыштавалі на 15 сутак, загадчыцу аддзялення гінекалогіі Ірыну Васільеву і фельчарку хуткай дапамогі Наталлю Первянёнак — на 10 сутак, а спецыялістку УГД Алу Стальмакову аштрафавалі на 100 базавых (3700 рублёў).
Затрыманні медработнікаў адбыліся пасля ўцечкі інфармацыі пра экс-прэтэндэнта на пасаду прэзідэнта, палітвязня Віктара Бабарыку, які быў дастаўлены з калоніі ў бальніцу.
Чытайце таксама:
У Наваполацку прайшлі затрыманні дактароў у бальніцы, куды прывозілі Бабарыку
Арыштаваных у рамках адміністрацыйных спраў наваполацкіх медыкаў перавялі ў СІЗА Віцебска — СМІ
У Віктара Бабарыкі можа быць зламана рабро і прабіта лёгкае — Кабанаў
