Пасажыры самалёта, які ляцеў у Сан-Францыска з Дэлі, апынуліся ў Магадане
Начаваць ім давялося на матрацах у школе.
Боінг індыйскай авіякампаніі ляцеў з Дэлі ў Сан-Францыска, але адбылася паломка рухавіка і борт быў вымушаны сесці ў Магадане, ударыўшыся аб яму на пасадачнай паласе. Пасля магаданскага аэравакзала, пасажыры даведаліся, што «гасцініц няма», піша «Лентач».
У самалёце знаходзілася 232 пасажыры і 11 членаў экіпажа. Большасць з іх — грамадзяне ЗША і Індыі. Іх пасялілі ў мясцовых школах і ДК, далі ім матрацы. Цяжарным далі інтэрнат медкаледжа, а мясцовай гасцініцы хапіла толькі на дзяцей. Акрамя таго, на вуліцу замежнікам выходзіць нельга, з імі дзяжураць памежнікі. Цяпер яны чакаюць рэзервовага самалёта, прыбыццё якога дазволіла Расавіяцыя.
«Яны, калі прызямляліся, адчулі ўдар самалёта пры трапленні ў яму — першае ўражанне пра Магадан. Другое — яны праходзілі праз наш аэравакзал. І трэцяе — гасцініц няма. Рассялілі, адпрацавалі ў рэжыме надзвычайнай сітуацыі. Ніхто не чакаў, што аварыйна сядзе самалёт», — заявіў губернатар рэгіёна Сяргей Носаў.
Ён таксама падзяліўся планамі аб пабудове чатырохзоркавага гатэля і аэравакзальнага комплексу, а таксама паабяцаў адрамантаваць узлётна-пасадачную паласу.
— snatch (@sna7c4) June 7, 2023
Чытайце таксама:
Самалёт з Новай Зеландыі здзейсніў 16-гадзінны «палёт у нікуды»
У Калумбіі чацвёра дзяцей правялі пасля авіякатастрофы 16 дзён у джунглях і выжылі
