Знайсці
07.06.2023 / 16:563РусŁacБел

Паліну Шарэнду-Панасюк, якая адмовілася ад беларускага грамадзянства, адправілі ў Навінкі

Пра гэта паведаміў муж палітзняволенай. Паводле яго інфармацыі, этап можа працягвацца два тыдні.

Паліна Шарэнда-Панасюк і Андрэй Шарэнда

Актывістку «Еўрапейскай Беларусі», палітзняволеную Паліну Шарэнду-Панасюк скіравалі з калоніі ў Рэспубліканскі цэнтр псіхічнага здароўя ў Навінках для правядзення псіхіятрычнай экспертызы. Гэта адбылося неўзабаве пасля таго, як актывістка напісала заяву аб адмове ад беларускага грамадзянства. Пра сітуацыю з Палінай паведаміў яе муж Андрэй Шарэнда, які цяпер знаходзіцца ў Вільні, піша «Радыё Свабода».

«Этап з Рэчыцы на Менск у Навінкі можа заняць два тыдні. Дакладна вядома, што перад этапам каля двух тыдняў Паліна была ў санчастцы калоніі, хіба яе прыводзілі ў стан для этапу. А этапавалі з калоніі толькі некалькі дзён таму. Пакуль больш звестак пра жонку не маю. Відаць, будзе праходзіць у Навінках экспертызу», — паведаміў муж палітзняволенай Андрэй.

Паводле Андрэя Шарэнды, выхад з грамадзянства быў пратэстам супраць пастаяннага ціску, які жанчына спазнала ў зняволенні.

«Гэта яе пратэст супраць катаванняў. Яна адмаўляецца ад беларускага пашпарта са сталінскім гербам на вокладцы і больш не хоча мець нічога агульнага з рэжымам, які сфарміраваўся ў Беларусі. Рэжымам, які знішчае незалежнасць Беларусі, які ўдзельнічае ў вайне. Рэжымам, які забівае яе і іншых палітвязняў у турмах», — сказаў Андрэй Шарэнда.

У чэрвені 2021 года Паліну Шарэнду-Панасюк (яе затрымалі 3 студзеня 2021 года) асудзілі на 2 гады зняволення за гвалт у дачыненні да міліцыянтаў і за абразу Лукашэнкі.

З таго часу да гэтага тэрміну суд дадаў актывістцы яшчэ два гады за «Злоснае непадпарадкаванне адміністрацыі папраўчай установы» (411-ы артыкул КК). Жанчыну трымалі спачатку ў Гомельскай жаночай калоніі, разлічанай на так званых «першаходаў», а потым перавялі ў калонію ў пасёлку Зарэчча Рэчыцкага раёна, куды змяшчаюць тых, хто асуджаны па другім разе і больш. Паводле звестак, якія атрымаў Андрэй Шарэнда з Беларусі, у абедзвюх калоніях ягоную жонку большасць часу трымалі то ў штрафным ізалятары, то ў памяшканні камернага тыпу.

«Паліну марудна, але мэтанакіравана забіваюць. Арганізм Паліны настолькі знясілены, што ёй ужо цяжка хадзіць. Ад адсутнасці сонечнага святла зрок у Паліны моцна сапсаваўся», — піша муж актывісткі ў звароце да міжнародных гуманітарных і праваабарончых арганізацый.

Андрэй заклікаў праваабаронцаў свету «сачыць за лёсам ягонай жонкі і зрабіць усё магчымае для вызвалення яе і ўсіх палітзняволеных».

Чытайце таксама:

Паліна Шарэнда-Панасюк адмаўляецца ад беларускага грамадзянства на знак пратэсту супраць катаванняў

Ці можа палітвязень адмовіцца ад беларускага грамадзянства? Што наогул дае такая адмова?

Паліну Шарэнда-Панасюк працягваюць утрымліваць у карцары. За год яна правяла там 200 сутак

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
2
Ха-ха
5
Ого
0
Сумна
10
Абуральна
31
1
Высоцкий/адказаць/
07.06.2023
Все честные, порядочные, правдивые, умные люди в странах, где у власти злобная безграмотная хунта, или алкоголики, или психи. Ничего нового.
8
Праваабаронцы гэта трэцяя нага/адказаць/
07.06.2023
Цікавакалі так званыя праваьаронцы дамагліся якога неьудзь вызвалення? Гэта лявацкія фонды па распіле грошаў для саўка
07.06.2023
Карная псіхіятрыя зусім не новы сродак таталітарнага гвалтам. Гэта была "заканадаўчая" норма ў таталітарнай саўдэпіі постсталінскага перыяду
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера