Знайсці
08.06.2023 / 17:321РусŁacБел

У Літве абыходжанне з нелегальнымі мігрантамі прызналі неканстутыцыйным, але чыноўнікі сцвярджаюць, што інакш не далі б рады

7 чэрвеня Канстытуцыйны суд Літвы пастанавіў, што затрыманне і прымусовае размяшчэнне мігрантаў, якія незаконна перасеклі дзяржаўную мяжу, у цэнтрах рэгістрацыі замежнікаў супярэчыць Канстытуцыі. Такое рашэнне КС прыняў пасля разгляду скаргі мігранта, які прыбыў у Літву з Ірака. Але, на думку міністаркі ўнутраных спраў Літвы Агне Білатайце, гэтае рашэнне было ў тых умовах абсалютна неабходным, без яго краіна не дала б рады гібрыднай атацы з боку рэжыму Лукашэнкі, піша Delfi.lt.

Агне Білатайце. Фота: AP Photo/Michael Varaklas

«Чаму былі прынятыя гэтыя захады? Калі пачалася інструменталізаваная міграцыя, якую арганізаваў і арганізуе рэжым Аляксандра Лукашэнкі, у нас не было сродкаў для абароны сябе», — заявіла Агне Білатайце журналістам у МУС.

«Перш за ўсё, у нас не было фізічнага бар'ера, у нас не было сістэм памежнага назірання і ў нас не было рашэння разварочваць ці не ўпускаць тых, хто незаконна трапляе ў Літву», — падкрэсліла яна.

Міністарка заўважае, што нейкім фактарам прыцягнення стала і міграцыйная палітыка, якая дзейнічала на той момант у Літве.

«Што тычыцца нашай міграцыйнай сістэмы, то гэта быў фактар прыцягнення, які таксама стымуляваў гэты працэс. І былі прынятыя рашэнні, што Літва не можа стаць прахадным дваром.

Літва павінна абараняцца, таму што існуюць відавочныя пагрозы нашай бяспецы, нашай нацыянальнай бяспецы, бяспецы нашага народа», — падкрэсліла яна.

На пытанне, ці збіраецца яна ўзяць на сябе адказнасць за рашэнне, якое Канстытуцыйны суд прызнаў незаконным, Білатайце адзначыла парламенцкую падтрымку згаданай ініцыятывы.

«На момант абмеркавання яго ў парламенце ніякіх нараканняў з боку юрыдычнага дэпартамента аб тым, што сам праект супярэчыць Канстытуцыі, не было. Таксама сам праект быў падпісаны прэзідэнтам, вета не было», — адзначыла яна.

Пры гэтым, падкрэсліла Агне Білатайце, калі такая сітуацыя ўзнікне яшчэ раз, то яна дзейнічала б гэтак сама.

«Калі б мне давялося паўтарыць гэтыя пастановы, калі б сітуацыя паўтарылася, я б прыняла ўсе тыя ж пастановы, якія прымала тады, бо гэтыя пастановы былі патрэбныя нашай дзяржаве», — запэўніла яна.

Чытайце таксама:

Хто мог зарабіць мільёны на міграцыйным крызісе на мяжы Беларусі і ЕС?

Літва не стала працягваць рэжым надзвычайнага становішча на мяжы з Беларуссю

Адновіцца авіязлучэнне з Іранам. Ці рызыкне Лукашэнка паўтарыць атаку мігрантамі?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
2
Казік/адказаць/
08.06.2023
"інагда не да законаў"
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера