Знайсці
08.06.2023 / 22:204РусŁacБел

Толькі наяўнымі з забаронай класці на рахункі. Стала вядома, як «вагнераўцы» плацяць грашовыя кампенсацыі сем'ям загінулых наймітаў

Сваякі былых расійскіх зняволеных, якія загінулі на вайне ва Украіне ў шэрагах ПВК «Вагнера», расказалі выданню «Север.Реалии», як робяцца выплаты іх сем'ям.

З аповедаў вынікае, што прадстаўнікі ПВК «Вагнер» плацяць мільёны рублёў гатоўкай у загадзя арандаваных офісах у буйных гарадах Расіі, напрыклад у Пецярбургу ці Новасібірску, а таксама на базе ПВК у Краснадарскім краі.

Сама працэдура даволі простая. Так, жыхарка Нарыльска Алена ў пошуках свайго брата звярнулася праз адмыслова створаны акаўнт у WhatsApp у спецыяльную службу, якая існуе пры ПВК. Там ёй прапанавалі пацвердзіць асобу, даслаўшы фота пашпарта, а праз пяць хвілін паведамілі, што яе брат загінуў.

Пасля пахавання прадстаўніца ПВК «Вагнер» папрасіла ў Алены даведку аб пахаванні, а затым запрасіла на сустрэчу ў найбліжэйшы цэнтр выдачы кампенсацый у Новасібірску. «Працэс няхуткі: ты пішаш распіску, цябе здымаюць на камеру, людзі выцягваюць грошы з гэтых банкаўскіх упаковак», — патлумачыла яна.

Сям'я Алены атрымала заробак яе брата за паўгода ў памеры 660 тысяч рублёў, 100 тысяч рублёў «пахавальных» і пяць мільёнаў рублёў кампенсацыі за смерць сваяка. Пры гэтым цікавы факт, што «вагнераўцы» рэкамендавалі не класці грошы на банкаўскія рахункі.

«Перад выхадам нам інструкцыю далі: грошы на карту не класці, на рахунак таксама нельга. Можна ў банкаўскую ячэйку. Альбо пакласці па 100 тысяч рублёў на карты розных банкаў. Усё. Ідзеш з гэтымі грашыма ціха», — дзеліцца сястра загінулага найміта.

Чытайце таксама:

«Мы на сёння прайграём вайну. Дзе нашы клоўны?» Прыгожын зноў прайшоўся па Шайгу і Герасімаве і прапанаваў іх расстраляць

«Нікога з рускіх у абмен на рускіх мы аддаваць не гатовыя». Прыгожын адказаў легіёну «Свабода Расіі»

Прыгожын заявіў аб вывадзе 99% наймітаў ПВК «Вагнер» з Бахмута. Ён сцвярджае, што Мінабароны РФ замініравала шляхі выхаду яго падраздзяленняў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
3
Панылы сорам
11
Ха-ха
3
Ого
12
Сумна
2
Абуральна
6
1
ммм-666/адказаць/
08.06.2023
эх, расея)
"Можна ў банкаўскую ячэйку" і нумар ячэйкі таксама напісалі
3
бизнес схема аля бабы ищо нарожают /адказаць/
08.06.2023
белая Лада калина за родственника в черном пакете
09.06.2023
губопиковцев, которые так любят издеваться над беларусами за подачки от режима, должно заинтересовать это предложение. только пакеты не забудьте с собой взять.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031