Трампу выставілі абвінавачанні па сямі пунктах. Адвакат назваў іх смешнымі
Адвакат Дональда Трампа Джым Трасці пацвердзіў у чацвер вечарам, што былому прэзідэнту было выстаўлена абвінавачанне па сямі пунктах, і паведаміў, што гэтыя абвінавачанні «выцякаюць з закона аб шпіянажы».
Дональд Трамп. Фота: Charlie Neibergall / AP
«У ім ёсць некаторыя фармулёўкі, што дазваляюць выказаць здагадку, што гэта будзе за сем абвінавачанняў. Не на 100% ясна, што ўсе яны асобныя абвінавачанні, але ў асноўным яны выцякаюць з абвінавачання ў адпаведнасці з законам аб шпіянажы», — цытуе Трасці CNN.
Трасці назваў абвінавачанні ў шпіянажы «смешнымі» і дадаў, што ёсць таксама «некалькі абвінавачанняў у перашкодзе працы і ў ілжывых паказаннях».
Адвакат Трампа сказаў, што яго каманда не атрымала копіі абвінаваўчага заключэння, а замест гэтага атрымала позву ў суд па электроннай пошце.
Трасці таксама пацвердзіў, што Трамп з'явіцца ў судзе ў аўторак, але не сказаў, якія адвакаты будуць прысутнічаць разам з былым прэзідэнтам.
Вялікае журы прысяжных суда Манхэтэна прагаласавала за выстаўленне абвінавачання экс-прэзідэнту ЗША Дональду Трампу.
Чытайце таксама:
Арыштавалі Дональда Трампа, але тут жа вызвалілі
Суд прызнаў былога прэзідэнта ЗША Дональда Трампа вінаватым у згвалтаванні пісьменніцы Джын Кэрал
говорят он часто падает с кровати
с чужой