Кахоўскую ГЭС падарвала расійская ДРГ — перахоп СБУ
«Там не яны (Украіна. — «НН») гвазданулі. Там наша дыверсійная група».
Затапленне ў Херсоне. Фота: «Украінская праўда»
Служба бяспекі Украіны перахапіла размову акупантаў, у якой яны распавядаюць, што Кахоўскую ГЭС узарвала расійская дыверсійная група, сцвярджае «Украінская праўда».
Яны хацелі шантажаваць Украіну падрывам дамбы і ўчынілі тэхнагенную катастрофу на поўдні нашай дзяржавы, заяўляюць у СБУ.
«Там не яны (Украіна. — «НН») гвазданулі. Там наша дыверсійная група. Яны хацелі тыпу гэтай дамбай палохаць. Пайшло не па плане, а больш, чым яны планавалі», — распавядае расійскі вайсковец.
Далей расіянін апісвае наступствы гэтай катастрофы: падвышэнне ўзроўню вады, затапленне тэрыторый і разбурэнні.
У ноч на 6 чэрвеня расіяне ўзарвалі Кахоўскую гідраэлектрастанцыю, разбурыўшы машынную залу і плаціну, станцыю немагчыма аднавіць.
Падрыў Кахоўскага вадасховішча пагражае бяспецы Запарожскай АЭС і выклікаў экалагічную катастрофу. Вада з вадасховішча затапляе гарады і вёскі, адбываецца эвакуацыя. У выніку падрыву дамбы Кахоўскай ГЭС пачаліся праблемы з вадой у Крывым Рогу, Марганцы і Нікапалі.
Уладзімір Зяленскі падкрэсліў, што ўчыненая расіянамі катастрофа на Кахоўскай ГЭС не спыніць Украіну ў дэакупацыі ўласных тэрыторый і не павялічыць шанцы акупантаў застацца на гэтай зямлі.
Чытайце таксама:
Алешкі пад вадой і сотні людзей на дахах. Як ратуюць людзей на затопленай Херсоншчыне
ІSW спрагназаваў, як падрыў Кахоўскай ГЭС паўплывае на ўкраінскі контрнаступ
