Знайсці
19.07.2023 / 17:566РусŁacБел

Кіраўніца гандлёвага дома «На Нямізе» расказала, калі там перастане смярдзець

Што ўжо адрамантавалі ва ўнівермагу ў цэнтры горада і якія змены яго чакаюць?

Гандлёвы дом «На Нямізе». Фота: «Мінск-Навіны»

У маі 2021 года стратныя ў той час прадпрыемствы ГД «На Нямізе» і магазін «Бліскавіца» далучылі да ўнівермага «Беларусь». Дому «На Нямізе» выдзелілі крэдыт.

«У 2021 годзе пасля аб'яднання першае, што зрабілі, — правялі поўную мадэрнізацыю асвятлення гандлёвай залы. Аднавілі працу эскалатараў. Практычна пазбавіліся ад паху ў гандлёвай зале. Ён ідзе з падвальных памяшканняў жылога дома, капітальны рамонт якога прызначаны на 2025 год»,

расказала кіраўніца ўнівермага «На Нямізе» Наталля Зубчонак, пішуць «Мінск-Навіны».

З 2023 года ўнівермаг мяняецца.

«Вялікую ўвагу надаём фасаду. Змянілі яго колер з бела-жоўтага на бела-шэры. Гэта наш новы брэндбук», — падзялілася кіраўніца.

З другога паверха прыбралі гандлёвы павільён. Там плануюць зрабіць пункты грамадскага харчавання.

«Там будуць праводзіцца культурна-масавыя мерапрыемствы. Гэта наш сумесны праект з шэф-поварам аднаго з рэстаранаў», — расказвае Зубчонак.

Пачалася рэканструкцыя цэнтральнай лесвіцы гандлёвага дома. Нядаўна сумесна з «Мінскзелянбудам» адкрылі фантан, які не працаваў каля трох гадоў. Адрамантавалі вінтавую лесвіцу.

«У Мінску з'явілася, як модна казаць, новая лакацыя з фотазонай для моладзі. Што тычыцца ўнутранай змены: адкрылі сучасны бар і адзіныя ў сталіцы варым каву на пяску. Гэта вельмі смачна. Акрамя таго, прадаём прадукцыю ўласнай вытворчасці: марожанае, кактэйлі на любы густ», — расказала Зубчонак.

У гэтым годзе за кошт складскіх памяшканняў, а гэта 800 кв. м, пашырана гандлёвая плошча на першым паверсе. Аб'ядналіся дзве секцыі: «Электратавары і посуд», а таксама «Тавары для дома», якія знаходзіліся на другім паверсе.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
12
Панылы сорам
11
Ха-ха
7
Ого
1
Сумна
0
Абуральна
1
1
Таксікаман/адказаць/
20.07.2023
Народ прывык нюхаць г...но.
0
Казік/адказаць/
20.07.2023
Знесці гэта страхоцце і аднавіць гістарычны (ці прынамсі псеўдагістарычны) выгляд кварталаў ад кіна "Беларусь" да "Перамогі"
0
Зязюля/адказаць/
20.07.2023
Знясіце нахер ужо гэты гандлёвы дом і хату за ім. Два выродства ў адным з лепшых месцаў Менску
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930