Знайсці
11.09.2023 / 17:50РусŁacБел

Былая баскетбалістка Леўчанка прэзентавала свой першы буйны праект у Nike

Адна з найлепшых баскетбалістак у гісторыі Беларусі Алена Леўчанка завяршыла кар'еру ў лістападзе мінулага года, а ўжо праз тры месяцы паведаміла, што пераехала ў Лос-Анджэлес і ўладкавалася на працу ў Nike. На якой пасадзе беларуска там працуе, дакладна невядома, але нядаўна ў сваім інстаграме былая спартсменка паказала адзін са сваіх праектаў у кампаніі, піша «Трыбуна».

Злева направа: Кім Шуі і Алена Леўчанка 

11 верасня Алена Леўчанка прадэманстравала ў сваім інстаграме свой першы буйны праект у Nike, над якім яна працавала ў траўні.

«Мой першы і самы вялікі праект у кампаніі! Гэты лук проста ўнікальны!», — расказала Леўчанка ў сторыз інстаграма.

Працавала Леўчанка з даволі вядомай у модным свеце дызайнеркай Кім Шуі. Яе прыхільніцай з'яўляецца, напрыклад, папулярная брытанская поп-спявачка Dua Lipa — фанатка «Ліверпуля», якая ў 2018-м выступала на цырымоніі адкрыцця фіналу Лігі чэмпіёнаў у Кіеве і якой прыпісваюць раман з тады яшчэ паўабаронцам «Рэала» Марка Асенсіа. 

«Паколькі ўчора ўвечары я была на паказе Кім, проста хацела распавесці, як Nike падтрымлівае дызайнераў і стварае калабарацыі/індывідуальныя выявы для сваіх спартоўцаў і інфлюенсераў», — напісала Леўчанка.

«Раней у гэтым сезоне мы працавалі з ёй над стварэннем выявы WNBA для нашых спартсменаў Nike. Мы даслалі ёй анлайн-асартымент, і сваімі рукамі яна стварыла гэты непаўторны вобраз», — гаворыць яна пра Кім Шуі.

Кім Шуі

Таксама Леўчанка ў сторыз расказала, што заўсёды марыла займацца модай:

«Я люблю моду, і менавіта так я магу свабодна выяўляць сябе. Заўсёды хацела атрымаць спецыяльнасць «дызайн адзення», на жаль, не атрымалася. Але мяне вельмі натхняе быць тут падчас Тыдня моды ў Нью-Ёрку і бачыць, як гэта чараўніцтва моды адбываецца ўжывую!»

Удакладненне. У ранейшай версіі артыкула памылкова пісалася, што Алена Леўчанка прэзентавала гэты праект на Тыдні моды ў Нью-Ёрку.

Чытайце таксама:

Алена Леўчанка і Аляксандра Герасіменя абурыліся спартовым фондам, які выкарыстоўвае іх імёны. Там адказалі

Баскетбалістка Алена Леўчанка скончыла кар’еру. Вось якім быў яе шлях

Баскетбалістка Алена Леўчанка пераехала з Грэцыі і расказала пра новую працу

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031