Знайсці
14.09.2023 / 11:4210РусŁacБел

У Расіі анансавалі старт продажаў уласных электрычных мінівэнаў. Што сабой уяўляе расійска-кітайскі «Іван»

Восенню 2022 года расійскі аўтамабільны брэнд Evolute паказаў першыя тры мадэлі электрамабіляў, якія планавалі пачаць збіраць на магутнасцях завода «Мотарінвест» пад Ліпецкам. Праект запусціўся, цяпер Evolute анансаваў хуткі пачатак продажу чацвёртага аўто ў лінейцы, якім стаў электрычны мінівэн Evolute i-VAN. «Наша Ніва» разбіралася, што прадстаўляе сабой расійска-кітайскі «Іван».

Фота: скрыншот з сайта evolute.ru

Нягледзячы на тое, што марка Evolute пазіцыянуецца як «расійская», расійскага ў гэтых аўто няшмат. Пад гэтым уласным брэндам у Расіі проста збіраюць кітайскія электрамабілі маркі Forthing. Мінівэн, пра які ідзе гаворка ў арыгінале, называецца Forthing Lingzhi M5 EV. Ад расійскага Evolute ён адрозніваецца толькі назвай і шыльдзікам. У адрозненне ад арыгінальных Forthing, назвы ўсіх мадэляў, што выпускаюцца пад расійскім брэндам Evolute, пачынаюцца з лацінскай літары «I». У выпадку з мінівэнам атрымаўся даволі добры маркетынгавы ход, бо мінівэн завецца i-VAN, што па-руску чытаецца, як «Іван». 

Evolute i-VAN. Фота: скрыншот з сайта evolute.ru

Цікава, што калі капнуць глыбей, то атрымліваецца, што мінівэн, які пачнуць прадаваць у РФ пад уласным брэндам, гэта дапрацаваная копія Mitsubishi Space Gear, які выйшаў у свет у 1994 годзе. З тылу і ў профіль агульныя рысы праглядаюцца максімальна заўважна.

Mitsubishi Space Gear 1997 года выпуску. Фота: av.by

Кітайска-расійскі мінівэн мае каштаваць каля 4 мільёнаў расійскіх рублёў, што каля 40 тысяч даляраў па бягучым курсе.

Адзначым, што гэта далёка не першы выпадак, калі на тэрыторыі Расіі наладжваюць выпуск аўто кітайскіх марак пад сваім уласным брэндам.

Напрыклад, так было з «Масквічом». За гучнымі заявамі пра «адраджэнне» легендарнага савецкага брэнда стаяла тое, што замест аўтамабіляў маркі Renault у Маскве наладзілі вялікавузлавую зборку кітайскіх JAC JS4, якія пачалі збіраць пад маркай «Масквіч». 

Беларусь нядаўна таксама пачала вырабляць аўтамабілі пад уласным брэндам. Так, з нядаўняга часу Geely Coolray пераўтварылася ў Belgee X50.

Чытайце таксама: 

Ад электракараў да мікрааўтобусаў. Якія «айчынныя» аўтамабілі ўжо выпускалі ў Беларусі

Як у часы СССР. Каб купіць Geely, трэба чакаць у чарзе 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Крокс/адказаць/
14.09.2023
Цяпер у Расіі на іванах будуць ездзіць афіцыйна.
0
Валенты/адказаць/
14.09.2023
Вядомая прымаўка: паскаблі маскаля, знойдзеш татарына.
А тутака - Іван кітайскага паходжання. Усё як мае быць. ;)
0
ЯНКА/адказаць/
14.09.2023
Вася, а як ставіцеся да мінівэну «Воя»? Праўда, ён і даражэйшы ў два разы.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031