Журналіста Сяргея Гардзіевіча, затрыманага пры вяртанні з Польшчы, арыштавалі на 15 сутак
Журналіста Сяргея Гардзіевіча, затрыманага пры вяртанні з Польшчы, арыштавалі на 15 сутак па артыкуле аб распаўсюджванні экстрэмісцкіх матэрыялаў (артыкул 19.11 КаАП), распавёў «Медыязоне» знаёмы Сяргея.
Сяргей Гардзіевіч быў затрыманы ў чацвер 14 верасня на мяжы Беларусі і Польшчы. Ноч ён правёў у ізалятары, пасля чаго яго адправілі ў Драгічын, дзе і адбыўся суд.
Судзілі журналіста за рэпост 2020 года ў сацыяльных сетках.
Сяргей Гардзіевіч нядаўна выйшаў на волю, ён правёў 1,5 года ў калоніі за паведамленні ў вайберы. Яго абвінавацілі ў паклёпе (188 КК), абразе Аляксандра Лукашэнкі (частка 1 артыкула 368 КК) і абразе прадстаўніка ўлады (артыкул 369 КК).
Чытайце таксама:
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера