У спіс экстрэмісцкіх фарміраванняў уключылі выпадковага чалавека. Насамрэч ён не мае дачынення да таго, што яму закідаюць
Імаверна, сілавікі проста супаставілі ягоныя нікнэймы ў Telegram і ва «УКантакце».
Андрэй Шоцік. Калаж: «Наша Ніва»
Сёння абнавіўся спіс «экстрэмісцкіх фарміраванняў». Туды патрапіў канал «Сумленны Гродна» разам з ягонымі адміністратарскімі старонкамі. Асобна туды ўнесены Шоцік Андрэй Анатольевіч 1993 года нараджэння. Вось з ім усё не так проста.
Скрыншот спіса экстрэмісцкіх фарміраванняў
Насамрэч, аніякага дачынення да канала «Сумленны Гродна», як паведамілі знаёмыя з сітуацыяй, мужчына не мае. Проста ягоны нікнэйм ва «УКантакце» супадае з імем карыстальніка акаўнта адміністратара «Сумленнага Гродна» ў тэлеграме.
Тое, што менавіта Андрэй Шоцік — адміністратар канала, беларускія сілавікі памылкова сцвярджалі яшчэ год таму і пісалі, што ён «хаваецца на тэрыторыі Польшчы».
Таксама вядома, што менавіта так былі «дэананімізаваныя» некаторыя людзі ў канале «Зрабі па сумленні», які вядзе гродзенскі ГУБАЗіК. Юзернэйм у тэлеграме адвольна супастаўляецца з імем карыстальніка любой іншай сацсеткі, а пасля звесткі зусім не датычнага ні да чога чалавека публікуюцца ў канале.
«Наша Нiва» — бастыён беларушчыны
ПАДТРЫМАЦЬЧытайце таксама:
Тлумачым, якім чынам сілавікі знаходзяць карыстальнікаў Telegram і як гэтага пазбегнуць
