Знялі на ВІДЭА, як на Гомельшчыне мядзведзь разграміў пчальнік
Цяпер сустрэча ў Беларусі з мядзведзем — зусім не навіна. Мішак рэгулярна бачаць па ўсёй краіне, і геаграфія ўсё больш пашыраецца. Гэтым разам мядзведзя заўважылі ў Нацыянальным парку «Прыпяцкі». Апошні раз перад тым мядзведзя фіксавалі тут 42 гады таму.
Гэтым разам касалапага заўважылі ў сярэдзіне верасня. Мядзведзь прагуляўся па абочыне лясной дарогі, але гэтым не абмежаваўся і ў пошуках ежы зайшоў у раёне вёскі Славінск на пчальнік Нацыянальнага парку паласавацца мёдам.
Фота: instagram.com/pripyat_national_park
На відэа бачна, як мядзведзь раскрывае вулей і ласуецца мёдам. Потым яго нешта спалохала і звер паспяшаўся ўцячы.
Фота: instagram.com/pripyat_national_park
На кадрах відэа відаць, што мядзведзь проста разграміў пчальнік.
Чытайце таксама:
У Калодзішчах пад Мінскам заўважылі мядзведзя
Мядзведзь на мяжы Літвы з Беларуссю пратэсціраваў надзейнасць памежнага плота ВІДЭА
З'явілася ВІДЭА, як у Налібоцкай пушчы сям'я ваўкоў ратуе ваўчанят ад мядзведзя
