Знайсці
27.09.2023 / 12:591РусŁacБел

Гільдыя сцэнарыстаў Галівуда афіцыйна завяршыла страйк. Аўтары пагадзіліся на ўмовы прадзюсараў

Згодна з новым кантрактам, які будзе дзейнічаць да мая 2026 года, ганарары сцэнарыстаў цягам трох наступных гадоў вырастуць больш, чым на 12%.

Фота: Mark J. Terell / AP

Камітэт гільдыі прагаласаваў за новае пагадненне, прапанаванае Альянсам кіно і тэлепрадзюсараў. Згодна з новым кантрактам, які будзе дзейнічаць да мая 2026 года, ганарары сцэнарыстаў цягам трох наступных гадоў вырастуць больш, чым на 12%. Акрамя таго, аўтары будуць атрымліваць адлічэнні за свае праекты ад стрымінгавых сэрвісаў, калі яны будуць паспяховымі. Для гэтага кінатэатры будуць дзяліцца з імі данымі аб праглядах.

Таксама бакі дасягнулі пагаднення ў пытаннях выкарыстання штучнага інтэлекту. Аўтары маюць права бачыць, ці выкарыстоўваецца іх праца для навучання ШІ.

Яны таксама могуць выкарыстоўваць чат-боты для стварэння сцэнароў, аднак студыі павінны паведамляць пра матэрыялы, якія былі згенераваныя з дапамогай штучнага інтэлекту.

Дакумент павінен атрымаць ухваленне сяброў гільдыі. Галасаванне сярод іх будзе праходзіць з 2 па 9 кастрычніка, аднак сцэнарысты ўжо могуць вяртацца да працы з буйнымі студыямі.

Чытайце таксама:

Прэм'еру другой часткі фільма «Дзюна» перанеслі праз забастоўку сцэнарыстаў і акцёраў у Галівудзе

Галівудская «наватарская» ШІ-прапанова для акцёраў гучыць як сцэнар для фантастычнага фільма

У Галівудзе застрайкавалі 160 тысяч акцёраў. Некалькі зорак пайшлі проста з прэм'еры «Опенгеймера»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
1
Ха-ха
0
Ого
0
Сумна
0
Абуральна
1
0
З пад Слонiма/адказаць/
27.09.2023
Выдатныя навiны.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера