Знайсці
27.09.2023 / 15:5210РусŁacБел

Балгарыя ўхваліла перадачу Украіне ракет для комплексаў С-300. Масква абурылася

Апазіцыйныя дэпутаты абвінавачвалі сваіх калегаў у парламенце ў здрадзе нацыянальным інтарэсам і патрабавалі адстаўкі міністра абароны Тодара Тагарава, а балгарскія сацыялісты байкатавалі пасяджэнне.

Міністр абароны Тодар Тагараў (на фота справа) рашуча падтрымлівае Украіну. Фота: Virginia Mayo / AP

Парламент Балгарыі большасцю галасоў ухваліў прадастаўленне дадатковай ваеннай дапамогі Украіне, у прыватнасці ракет тыпу 5B55P для зенітна-ракетнага комплексу С-300, піша Бі-бі-сі.

У Маскве неадкладна выказалі абурэнне гэтай пастановай і запатрабавалі ад Балгарыі ўстрымацца ад перадачы ракет Кіеву.

Дэбаты паміж кіроўнай большасцю і апазіцыйнымі палітычнымі аб'яднаннямі па гэтым пытанні працягваліся каля трох гадзін. Апазіцыйныя дэпутаты абвінавачвалі сваіх калегаў у здрадзе нацыянальным інтарэсам і патрабавалі адстаўкі міністра абароны Тодара Тагарава, а балгарскія сацыялісты байкатавалі пасяджэнне.

Частка пасяджэння прайшла ў закрытым рэжыме з-за прадстаўлення дэпутатам службовай інфармацыі аб стане супрацьпаветранай абароны краіны і колькасці ўстановак С-300.

Расійская федэральная служба па ваенна-тэхнічным супрацоўніцтве ў адказ на гэтае рашэнне балгарскага парламента заявіла, што яно ідзе насуперак двухбаковаму пагадненню паміж Масквой і Сафіяй аб ваенна-тэхнічным супрацоўніцтве ад 2002 года, згодна з якім перадача трэцяму боку ўзбраення і ваеннай тэхнікі, атрыманых з Расіі, недапушчальная без яе папярэдняй згоды.

«Гаворка ідзе пра чарговую спробу грубага парушэння балгарскім кіраўніцтвам сваіх міжнародных абавязацельстваў у галіне кантролю за ўзбраеннем, нягледзячы на неаднаразовыя тлумачэнні расійскага боку», — гаворыцца ў заяве расійскага ведамства.

ФСВТС сцвярджае, што гэты крок «непазбежна прывядзе да дадатковай эскалацыі канфлікту і нявінных чалавечых ахвяр».

«Заклікаем балгарскі бок перагледзець прынятае рашэнне ў мэтах недапушчэння парушэння нормаў міжнароднага права ў галіне ваенна-тэхнічнага супрацоўніцтва», — заявілі ў службе.

Чытайце таксама:

У Балгарыі затрымалі мужчыну, які хацеў забіць міністра абароны праз падтрымку Украіны

Ціханоўская абмеркавала з прэм'ер-міністрам Балгарыі праект «пашпарта новай Беларусі»

З Балгарыі высылаюць трох чалавек, звязаных з Беларускай праваслаўнай царквой. Хто яны?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
27
Панылы сорам
2
Ха-ха
1
Ого
0
Сумна
0
Абуральна
0
0
Стефан/адказаць/
28.09.2023
Я из Болгарии. У нас проблема с русофилами. Ракеты 1980-х годов. Тогда технологии СССР были на уровне автомобиля «Москвич» и телевизора «Рубин». Русофилов изпали в истерика. Я верю, что у Украины есть технологии, позволяющие восстановить ракеты и превратить их в эффективное оружие. Удачи!

Слава Украине!
0
Максим Дизайнер/адказаць/
28.09.2023
ДызыйнЁр

Наши девки об этом мечтают, судя абсолютно по всем моим знакомым ровесницам. Причем, как здесь, так и там, обо одном и том же. И я не про работу по официальному приглашению. И даже не про любовь.
1
Максим Дизайнер/адказаць/
28.09.2023
Стефан,

У вас там все до сих пор 1950-х годов. 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера