Супрацоўніка царквы аштрафавалі за несанкцыянаваны хрэсны ход
Летам гэтага года група з дзесяці чалавек прайшла шэсцем па вясковай дарозе ў Шчучынскім раёне Гродзенскай вобласці. Само мерапрыемства было ўзгоднена з аблвыканкамам, але, магчыма, удзельнікі парушылі маршрут, бо 15 верасня арганізатара шэсця прызналі вінаватым у несанкцыянаваным пікетаванні і аштрафавалі на 740 рублёў, паведамляе «Хрысціянская візія».
У пастанове, размешчанай на партале pravo.by, сказана, што Б. «правёў у 18 гадзін 50 хвілін іншае масавае мерапрыемства», «вінаватым сябе цалкам не прызнаў». Справа разглядалася ў дачыненні да супрацоўніка храма, які жыве ў Бешанковічах (Віцебская вобласць) і працуе памочнікам благачыннага па будаўніцтве храма прарока Іллі, даведаўся «Позірк».
Благачынным цэркваў Бешанковіцкага раёна з'яўляецца протаіерэй Мікалай Кісель, а настаяцелем храма прарока Іллі — протаіерэй Віталь Кісель.
Чытайце таксама:
Падтрымайце палітвязня Анатоля Пугача, які хварэе на анкалогію
Палітзняволеную маці дваіх непаўналетніх дзяцей будуць судзіць паводле пяці крымінальных артыкулаў
