Знайсці
02.10.2023 / 07:25РусŁacБел

УЕФА разглядае магчымасць укаранення абсалютна новага фармату еўракубкаў

Усе тры турніры будуць звязаныя паміж сабой.

Фота: Uefa.com

УЕФА разважае над варыянтам змяніць фармат еўракубкаў, паведамляе Championat.com са спасылкай на Marca.

Паводле крыніцы, кіраўнікі УЕФА і Асацыяцыя еўрапейскіх клубаў разглядаюць варыянт укаранення трох дывізіёнаў — Суперлігі, Лігі Еўропы і Лігі прэтэндэнтаў. Паміж гэтымі трыма дывізіёнамі будзе барацьба за павышэнне і паніжэнне ў класе.

Чакаецца, што ў канцы кастрычніка збярэцца выканаўчы камітэт УЕФА, дзе будзе абмяркоўвацца гэтае пытанне. Пры гэтым чакаецца, што калі новы фармат будзе прыняты, то ўступіць у сілу не раней за 2027 год.

Нагадаем, з сезона-2024/2025 будзе дзейнічаць новы фармат Лігі чэмпіёнаў. 36 клубаў будуць удзельнічаць у асноўным этапе турніру. Па новым фармаце кожны клуб правядзе восем матчаў супраць васьмі розных каманд — чатыры на сваім полі і чатыры на чужым.

Па выніках матчаў будзе складзена агульная турнірная табліца. Восем найлепшых каманд агульнага этапу наўпрост выйдуць у 1/8 фіналу. Тыя, хто зойме месцы з 9-га па 24-е, правядуць спараныя стыкавыя матчы за права далучыцца да васьмёркі найлепшых каманд.

Цяпер групавы раўнд Лігі чэмпіёнаў складаецца з васьмі групаў па чатыры каманды.

Чытайце таксама:

Гэты славуты і самабытны футбольны клуб можа спыніць існаванне — медыя

У Францыі 22-гадовы футбаліст пагражаў скокнуць са 100-метровай вышыні

«Цвёрда трымаўся наш коўч на дапросе». Беларускі трэнер наадрэз адмовіўся адказваць на пытанні пасля матча

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
3
Панылы сорам
4
Ха-ха
0
Ого
0
Сумна
0
Абуральна
2
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера