Знайсці
02.10.2023 / 16:374РусŁacБел

Беларуская мастачка піша карціны па вядомых кнігах. Ёсць твор і на аповесць «Па што ідзеш, воўча?»

Беларусы Валянціна і Яўген Сакаловы жывуць у Бостане, ЗША. Яна мастачка, ён — айцішнік і музыка гурта ZnaROCK. Пра сустрэчу з імі і творчасць у выпуску ютуб-канала «Беларускі вайб» распавёў прадзюсар Алесь Чахоўскі.

Яўген і Валянціна Сакаловы. Скрыншот відэа: AlesChakhouski / YouTube

Валянціна ўраджэнка Нясвіжа. У Бостане яна мае ўласную майстэрню. Але мастацтвам цяжка зарабляць, таму жанчына працуе ў дзіцячым садку.

Мастачка падісвае свае творы псеўданімам Tina Stakh. «Я вырашыла, што трэба, каб ён добра чытаўся паўсюль, ва ўсім свеце. Сваё імя я скараціла да Ціна. А выбіраючы прозвішча, я вырашыла, што трэба, каб была адсылка да Беларусі. Stakh — гэта з «Дзікага палявання караля Стаха».

Яна прыхільніца творчасці амерыканскага мастака Марка Роткі і свайго земляка Міхася Сеўрука.

Валянціна Сакалова разам з Алесем Чахоўскім у сваёй майстэрні. Скрыншот відэа: AlesChakhouski / YouTube

Валянціна пазіцыянуе сябе як беларускую мастачку. Яе працы ў асноўным набываюць беларусы, якія жывуць за мяжой. Таму яе карціны зараз па ўсім свеце — у Канадзе, Францыі, Польшчы, Літве, Нідэрландах.

Яе пакупнікі — людзі, якія любяць літаратуру. А кожная яе праца — гэта пераўвасобленая назва вядомай кнігі і цытата з яе. Але кніга не абавязкова беларуская. Хаця сярод апошніх прац — карціна па матывах твора Евы Вежнавец «Па што ідзеш, воўча?». Пасля таго як Валянціна зняла майстэрню, у яе зʼявіліся і амерыканскія пакупнікі.

Карціна па матывах твора Евы Вежнавец «Па што ідзеш, воўча?». Фота: фэйсбук мастачкі

Мастачка адзначае, што ў яе калег па творчай прасторы, дзе яна здымае майстэрню, дастаткова шмат уяўленняў пра Беларусь, ім вядома імя Алеся Бяляцкага як лаўрэата Нобелеўскай прэміі.

Для Валянціны беларускасць — гэта тое, без чаго ты не можаш жыць. «Як дрэва з каранямі: калі ў цябе няма каранёў, то ты не жывеш. І я згодная з тэзай, што Беларусь там, дзе мы».

Жанчына адзначае, што беларусы — мэтанакіраваныя людзі. «Калі мы ўзяліся, то ўжо не адступімся. Вось пачаўся працэс у 2020 годзе. І зараз мы ўсе ідзём, што б ні адбывалася».

Яе муж Яўген — інжынер інтэгральнай фатонікі. Ён атрымаў працу ў ЗША 6 гадоў таму. 

Акрамя таго, што працуе ў айці-сферы, Яўген — фронтмен гурта ZnaROCK. Ён займаецца арганізацыяй беларускіх грамадскіх і культурных івэнтаў.

Беларускасць для Яўгена — гэта адказнасць. «Што мы адказныя за будучыню беларускай культуры. І гэтая рыса стала больш распаўсюджанай апошнім часам».

Акрамя працы, музыкі і грамадскай дзейнасці, Яўген займаецца бегам. «Мне больш падабаецца бегаць у камандзе. Ёсць такія эстафеты на вялікія дыстанцыі. Звычайна на 200 міль (360 кіламетраў). Гэтую дыстанцыю бяжыць каманда. Кожны па невялікім кавалку. Гэта весела».

Каманда Free Belarus. Скрыншот відэа: AlesChakhouski / YouTube

Калі Яўгена Сакалова папрасілі сфармуляваць коратка, што для яго значыць беларускасць, то ён згадаў словы адной беларускай дзяўчыны: «Яна сказала ў 2020 годзе: «Ідзі і беларусь». Дзе «беларусь» — гэта дзеяслоў».

Чытайце яшчэ:

Як амерыканцы рэагуюць на беларускі рок

«Беларускі вайб» — новы праект Алеся Чахоўскага

У ЗША з’явяцца муралы на беларускую тэматыку

Антось Жупран

Хочаш падзяліцца важнай інфармацыяй
ананімна і канфідэнцыйна?

Клас
8
Панылы сорам
4
Ха-ха
1
Ого
0
Сумна
1
Абуральна
1
02.10.2023
nehren ioi rabic...?
2
Вован/адказаць/
02.10.2023
Из увиденных здесь работ ничего интересного, если честно.
2
Крытык/адказаць/
02.10.2023
Па што идзеш, воуча - гэта гатунак сельски трэш. Не чытайце - гэта поуная лухта. Сур'езна
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031