Знайсці
07.11.2023 / 16:572РусŁacБел

Беларускія кардыяхірургі зрабілі ўнікальную аперацыю на аорце

У РНПЦ «Кардыялогія» беларускія спецыялісты паспяхова правялі адкрытае хірургічнае пратэзаванне анеўрызмы грудной аорты. Гэтую аперацыю робяць вельмі рэдка не толькі ў Беларусі, але і ў іншых краінах, бо яна вельмі складаная тэхнічна.

«Выбар спосабу хірургічнай карэкцыі анеўрызмы грудной аорты патрабуе дастатковага вопыту лячэння такіх пацыентаў у рамках канкрэтнай установы», — адзначае Міністэрства аховы здароўя.

59-гадовая пацыентка з анеўрызмай зыходнага аддзела грудной аорты паступіла ў 1-е кардыяхірургічнае аддзяленне РНПЦ «Кардыялогія» ў кастрычніку. Вядучыя сардэчна-сасудзістыя хірургі цэнтра Сяргей Спірыдонаў, Аляксандр Жыгалковіч, Аляксей Смалякоў і Раман Пыжык выканалі рэзекцыю анеўрызмы і пратэзаванне зыходнага аддзела грудной аорты лінейным пратэзам Gelwave.

Ускладненняў пасля аперацыі, як паведамляецца, не ўзнікла, на 14-я суткі пасля яе пацыентку перавялі на рэабілітацыю.

«Гэтая аперацыя праводзіцца вельмі рэдка не толькі ў Рэспубліцы Беларусь, але і ў іншых краінах, — падкрэсліваюць у Міністэрстве аховы здароўя. — Напрыклад, па інфармацыі Таварыства сасудзістых хірургаў Расійскай Федэрацыі лік адкрытых умяшанняў на грудной аорце вагаецца ў межах 40 аперацый у год».

Чытайце таксама:

97-гадовая жанчына атрымала апёкі на пажары, але пяць дзён не звярталася да дактароў

Як працуе і колькі зарабляе беларуская доктарка ў Чэхіі

«Ці варта пападаць у кабалу на 5 гадоў пасля ардынатуры?» Медыкі выказаліся пра новаўвядзенні ў закон для іх

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
10
Панылы сорам
0
Ха-ха
0
Ого
0
Сумна
1
Абуральна
1
07.11.2023
Малайцы, калегі.
07.11.2023
Nu, i navošta hetyja foty ? Biaz ich nijak ? Biaz ich nie pavierać, što bielaruskija ŭračy heta zrabili ? Tak by mović paćviaržajučy matarjal, dokazavaja baza... Prybiarycie fota !
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера