Знайсці
09.11.2023 / 13:1214РусŁacБел

Лукашэнка пацікавіўся ў Качанавай, ці забяспечаны мінчукі прадуктамі і абуткам

Аляксандр Лукашэнка сустрэўся сёння са старшынёй Савета Рэспублікі, упаўнаважанай па Мінску Наталляй Качанавай. Яны абмеркавалі будучыя выбары, кадравыя пытанні і ступень забяспечанасці Мінска.

Аляксандр Лукашэнка і Наталля Качанава. Фота: Пул першага

Лукашэнка чарговы раз сказаў, што вертыкаль улады павінна ўдзельнічаць у выбарах, піша БелТА.

«Гэта вельмі важная кампанія ў Беларусі. Важней за палітычную кампанію ў наступным годзе няма (25 лютага 2024 года павінен адбыцца «Адзіны дзень галасавання», калі пройдуць парламенцкія выбары і выбары ў мясцовыя саветы — НН). Следам жа фармаванне «Усебеларускага народнага сходу», абранне дэлегатаў на гэты сход», — сказаў Аляксандр Лукашэнка.

Качанава адказала, што мясцовыя органы ўлады, губернатары, мясцовая выканаўчая ўлада — усе ўключыліся ў гэтую працу. 

Наталля Качанава перакананая, што «людзі разумеюць, наколькі гэта важны перыяд у жыцці краіны».

Таксама Лукашэнка закрануў пытанне кадравых праблем.

«Мы таксама пра іх гаварылі з вамі. Я хацеў бы, каб Савет Рэспублікі меў канцэнтраваную думку, і хацеў бы ад вас пачуць на дадзены момант, як ідуць справы», — спытаўся ён, але афіцыйныя СМІ не патлумачылі, што Лукашэнка меў на ўвазе.

Асобна было ўзнята пытанне — сітуацыі ў сталіцы.

«Мяне цікавяць пытанні забеспячэння насельніцтва, перш за ўсё ўсім неабходным — прадукты харчавання, адзенне, абутак; як адчуваюць сябе мінчане ў гэтай сітуацыі?» — спытаўся Лукашэнка і пахваліў членаў Савета Рэспублікі, што праводзяць сустрэчы з людзьмі.

«Вы мне абяцалі, што канцэнтраваць будзеце тое, што адбываецца ў Беларусі, і паведаміце пры неабходнасці», — рэзюмаваў ён.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
14
Ха-ха
15
Ого
0
Сумна
0
Абуральна
1
0
Фрейд/адказаць/
09.11.2023
Прирождённый манипулятор. Дать намёк, что Качанова может стать его приемником и вертеть ею как хочешь. А та и рада стараться, из кожи вон лезет доказывая свою преданность диктатору. Но зря надеется, вроде не девочка, зрелая дама, а на такие манипуляции клюёт.  В нужный момент он её послом в Зимбабве отправит, никаких приемников у психопатов не может быть априори. 
2
даведка /адказаць/
09.11.2023
В Беларуси нет проблем с наличием продуктов питания, одежды, обуви, проблема только с их качеством и ценой.
0
Вася/адказаць/
09.11.2023
Як дакладна акрэслены статус качанавай
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031